INTERPOL-ն ԱԲ-ի օգնությամբ նույնականացրել է ահաբեկչության մեջ կասկածվող 126 անձի
INTERPOL-ի Shams II հակաահաբեկչական գործողության ընթացքում իրավապահները ջիհադական խմբերի հրապարակած նյութերից առանձնացրել են 108 076 դեմքի պատկեր։ Արհեստական բանականության գործիքներով տվյալների մաքրումից և մասնագետների ստուգումից հետո ստացված պատկերների համեմատությունը թույլ է տվել նույնականացնել ահաբեկչության մեջ կասկածվող 126 անձի։
Shams II գործողությունն անցկացվել է հունիսի 1–5-ը Թունիսի մայրաքաղաք Թունիսում, իսկ արդյունքները INTERPOL-ը հրապարակել է սեպտեմբերի 18-ին։ Հնգօրյա աշխատանքին մասնակցել են 28 մասնագիտացված աշխատակից և փորձագետ 11 երկրից։
Իրավապահները ջիհադական խմբերի տարածած տեսանյութերից և այլ տեսողական նյութերից առանձնացրել են դեմքերի 108 076 պատկեր։ Իրաքում INTERPOL-ի ազգային կենտրոնական բյուրոն գործողությանը փոխանցել է նաև ահաբեկչության կասկածյալների վերաբերյալ մեծ տվյալաշար՝ ևս հարյուրավոր պատկերներով։
Ծրագրավորված ԱԲ գործակալներն ու ԱԲ-ի օգնությամբ ստեղծված սցենարներն ավտոմատացրել են տվյալների հավաքման մի մասը։ Համակարգը հեռացրել է կրկնվող պատկերները և ստուգել դրանց որակը, ինչի արդյունքում մշակման համար մնացել է 6362 եզակի և բավարար որակի լուսանկար։
Այդ պատկերները փոխանցվել են INTERPOL-ի դեմքերի ճանաչման համակարգին։ Կազմակերպության տվյալով՝ մինչ այժմ ստացվել են համընկնումներ 126 օտարերկրյա զինյալ-ահաբեկչի վերաբերյալ։ Սա չի նշանակում, որ գործողության ընթացքում 126 մարդ է ձերբակալվել։ Համընկնումները լրացնում են կասկածյալների հնարավոր գտնվելու վայրերի և կապերի մասին հետախուզական տվյալները։
ԱԲ-ի տված արդյունքները ինքնուրույն վերջնական որոշում չեն համարվել։ Դրանք ստուգել և հաստատել են պատրաստված իրավապահներն ու վերլուծաբանները՝ INTERPOL-ի տվյալների մշակման կանոններին համապատասխան։ Հազարավոր պատկերներ դեռ մշակվում են, ուստի նոր համընկնումների ստացումը հնարավոր է։
Գործողության ընթացքում ստացված որոշ տվյալներ արդեն կիրառվում են մասնակից երկրների դատական ընթացակարգերում։ INTERPOL-ը նշել է նաև մեկ գործ, որը վերաբերում է կալանքի տակ գտնվող երկու կասկածյալի։
Shams II-ի մասնակիցները կրիպտոարժութային գործիքներով հետևել են նաև հնարավոր ապօրինի ֆինանսավորմանը։ Արդյունքում վիրտուալ ակտիվների ծառայություն մատուցող ընկերությանը ուղարկվել է հաճախորդների տվյալների բացահայտման երեք հրատապ հարցում։ Իրավապահները հանդիպել են նաև առցանց խաղերի ոլորտի ներկայացուցիչների հետ՝ քննարկելու երիտասարդների արմատականացման վտանգը թվային միջավայրում։
Telegram 
Facebook 
Google News Արյան բազմաթիվ քննությունների արդյունքները քիչ են կախված վերջին սնունդից անցած ժամանակից։ Հարավային Կորեայում անցկացված հետազոտությունը ցույց է տվել, որ քաղցած մնալու պահանջը կարող է տարբեր լինել՝ կախված ստուգվող ցուցանիշից։
SpaceX-ը նախատեսում է 2027 թվականին սկսել Starmind հաշվարկային արբանյակների արձակումը։ Արհեստական բանականության համար նախատեսված սարքերը պետք է սնուցվեն արևային էներգիայով և միասին աշխատեն որպես ուղեծրային տվյալների կենտրոններ։
Իրանի նախագահ Մասուդ Փեզեշքիանը հոկտեմբերի 9-ին Թուրքմենստանում կայացած Անկախ պետությունների համագործակցության (ԱՊՀ) գագաթնաժողովում առաջարկել է ստեղծել «ԱՊՀ+1» ձևաչափ։ Այն նախատեսում է Իրանի և ԱՊՀ երկրների համագործակցության ընդլայնում՝ էներգետիկայի, առևտրի, տրանսպորտի, ներդրումների ու տեխնոլոգիաների ոլորտներում։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Վարչապետ Նիկոլ Փաշինյանի որոշմամբ Դավիթ Սանամյանն ազատվել է Ազգային անվտանգության ծառայության տնօրենի տեղակալի պաշտոնից։ Հոկտեմբերի 5-ի որոշման մեջ պաշտոնանկության պատճառը չի նշվում։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները