Haykakan UAVLab enkerutyan «Bzez» anodachuov hetaqrqrvats en Rusastane, Egiptose, Hndkastane, Kiprose

Այս մոդելը համարվում է հայկական առաջին գրոհային անօդաչուն։ «Բզեզը» պատկանում է «կամիկաձեի» տեսակին, դրա վրա ինքնաոչնչացման գործառույթ կա։

Norutyunner

# «Bzez»

# UAVLab

# Anodachuner

# Razmaardyunaberutyun

UAVLab-ի անօդաչու / ©uavlab.am / Автор: неизвестен, фото предоставлено пользователем

Անօդաչուների արդիական թեմային անդրադարձել է News.am-ը՝ հարցազրույց վերցնելով UAVLab ընկերության տնօրեն Արմեն Վարդանյանից: Հաշվի առնելով Հայաստանում անօդաչուների նկատմամբ հետաքրքրությունն ու դրանց նշանակությունը՝ Shesht.am-ն այն ներկայացնում է իր ընթերցողին:

Հայաստանում անօդաչու թռչող սարքերի առաջատար արտադրող UAVLab ընկերությունը, տնօրենի խոսքով, զբաղվում է անօդաչուների մշակմամբ և արտադրությամբ։ Ձեռնարկությունն ունի 5 հաջողված մշակում, որոնցից 2-ն անցել են բոլոր անհրաժեշտ փորձարկումները, և սպասվում է, որ շուտով կհամալրեն բանակի սպառազինությունը։ Արմեն Վարդանյանը նշել է, որ UAVLab-ն իրականացնում է հաշվարկները, մոդելավորումը, ծրագրավորումն ու արտադրությունը։ Ընկերությունն արտադրում է անօդաչու ինքնաթիռներ և ուղղաթիռներ:

Ամենահաջողված մոդելը տնօրենը համարել է «Բզեզը»: Չնայած փոքր չափերին՝ այն 4,6 կգ քաշով օգտակար բեռը կարողանում է բարձրացնել և տեղափոխել մինչեւ 9 կմ հեռավորությամբ, միաժամանակ անընդհատ 400 ք/մ տարածքի տեսագրություն կատարել իրական ժամանակում և տվյալները փոխանցել պաշտպանված կապի միջոցով։ Տնօրենի խոսքով՝ սա միակն է իր բնութագրով: Ընկերության արտադրանքն ունի նաև ջերմատես հնարավորություն:

Ջերմատես սարքից արված լուսանկար / ©uavlab.am

UAVLab ընկերության այս մոդելը համարվում է հայկական առաջին գրոհային անօդաչուն։ «Բզեզը» պատկանում է «կամիկաձեի» տեսակին, դրա վրա ինքնաոչնչացման գործառույթ կա։ Տնօրենը նշել է, որ այն ստեղծվել և փորձնական օրինակը ցուցադրվել է դեռևս 2012թ., բայց պատշաճ ուշադրության չի արժանացել: Միայն 2016թ. Ապրիլյան քառօրյայից հետո այս ոլորտը մեծ նշանակություն ստացավ: Արմեն Վարդանյանը տեղեկացրել է, որ ընկերությունն ունի նաև հետախուզական տիպի՝ 2, 3 և 5 ժամ թռիչքի հնարավորությամբ մի քանի մոդելներ՝ 50-70 կմ հեռավորությամբ գործող։

Տնօրենի խոսքով՝ ընկերության արտադրանքն ունի միջազգային հետաքրքրություն: Վաճառվում են համակարգերի որոշ բաղադրիչներ: Ընկերությունն աշխատում է ռուսական տասնյակ ձեռնարկությունների հետ, բանակցություններ է վարում եգիպտական կառավարության հետ: Հետաքրքրություն կա Եգիպտոսի ուժային կառույցների, Կիպրոսի, Հնդկաստանի կողմից:

Հրդեհաշիջման աշխատանքներին աջակցող դրոն / ©uavlab.am

Արմեն Վարդանյանը նշել է, որ UAVLab-ի արտադրությունն ուղղված է ռազմական ոլորտին, սակայն արտադրանքի ցանկացած բաղադրիչ կարող է օգտագործվել նաև քաղաքացիական նպատակներով։ Ընկերության համար ռազմական արդյունաբերությունն է կարևոր, բայց որոշակի կարգավորումներից հետո կարող է կիրառվել նաև քաղաքացիական նշանակության միջոցառումների համար: Հետաքրքրություն են ցուցաբերել հատկապես լեռնային հանքարդյունաբերական ընկերությունները։

Нашли опечатку? Выделите фрагмент и нажмите Ctrl + Enter.