Ինչո՞ւ հայկական ցուցանմուշներն այդպես էլ չհասան Աբու Դաբի — Շեշտ.am (shesht.am)
3 րոպե
Խմբագրություն

Ինչո՞ւ հայկական ցուցանմուշներն այդպես էլ չհասան Աբու Դաբի

Հետքը հետաքննություն է իրականացրել` անդրադառնալով IDEX-2021 ցուցահանդեսին հայկական կողմի անփույթ պատրաստությանը, ցուցանմուշների տեղափոխման ընթացքում ծագած խնդիրների և մատնանշելով պատասխանատուներին:

IDEX-2021, հայկական ցուցասրահ / © Hetq.am

Հետքը մանրամասն հետաքննություն է իրականացրել` պարզելով, թե ինչպես է կազմակերպվել IDEX-2021 ցուցահանդեսին մասնակցությունը, երբ, ինչպես հայտնի է, հայկական ցուցանմուշները մնացել էին Մոսկվայում` այդպես էլ չներկայացվելով ցուցահանդեսի ներկաներին: Ներկայացվում են հետաքննության առանցքային կետերը:

Նախ` ցուցանմուշները ոչ թե ուղիղ չվերթով են տեղափոխվել Աբու-Դաբի, այլ որոշվել է ուղարկել ռուսական Աերոֆլոտի միջոցով, քանի որ որոշ նմուշներ (ենթադրվում է` ԱԹՍ-ներ) չեն անցել ինքնաթիռի խցիկի դռնից: Սակայն այս դեպքում էլ փաստաթղթերն անհրաժեշտ կերպով չեն լրացվել. ռուսները չեն ստացել համապատասխան փաստաթղթերը և բեռը թույլ չեն տվել դուրս բերել Ռուսաստանից: Նշվում է, որ նախարարության աշխատակիցներն անհետացած բեռի համար ընդամենը նկատողություն են ստացել:

Հաղորդվում է, որ նախարարի օգնականը չի մեկնել ցուցահանդեսի, քանի որ վերջին պահին պարզվել է, որ վիզայի հետ կապված խնդիրներ կան:

Հետքը նաև շեշտում է, որ նախարար Հակոբ Արշակյանը Արաբական Միացյալ Էմիրությունների պաշտպանության նախարարի հետ հանդիպման ժամանակ նրան հրավիրել է Հայաստանում անցկացվելիք ARMHitech ցուցահանդեսին, որը, սակայն, չի կայացել: Այն արդեն երրորդ անգամ է հետաձգվում. այս անգամ` մինչև 2022թ.-ը:

Բարձր տեխնոլոգիական արդյունաբերության նախարարության մամուլի քարտուղարը, ինչպես նշվում է, Հետքի հարցերից ոչ մեկին արժանահավատ պատասխան չի տրամադրել:

Հիշեցնենք, որ IDEX 2021 միջազգային ռազմարդյունաբերական ցուցահանդեսին մասնակցում էին 14 հայկական ընկերություններ: Դրանք ներկայացնելու էին հայկական ռազմարդյունաբերության պրոդուկտներն ու լուծումները։ Հաղորդվել էր, որ հայկական ընկերություններից մեկն Աբու-Դաբիում կամիկաձե դրոններ ու պենտակոպտերներ էր ցուցադրել:

Հավելենք` «IDEX»-ը պաշտպանական տեխնոլոգիաների և սպառազինության ամենահեղինակավոր միջազգային ցուցահանդեսներից է, իսկ միջինարևելյան ու հյուսիսաֆրիկյան տարածաշրջանում՝ ամենամասշտաբայինը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.