Ուկրաինան գործի՞ դրեց Բայրաքթարները. ավիառումբից երեխա է զոհվել

Ուկրաինական ուժերը Դոնեցկի ուղղությամբ ԱԹՍ են կիրառել, որից արձակված ավիառումբը պայթել է տներից մեկի բակում. 2016թ. ծնված երեխան մահացել է, իսկ 1954թ. ծնված կինը վիրավորվել և տեղափոխվել է հիվանդանոց: Հիշեցնենք, որ գերճշգրիտ ավիառումբ կարող են կրել ուկրաինական այս ճակատի սպառազինությունում առկա թուրքական Բայրաքթարները:

Նորություններ

# Բայրաքթար

# Դոնբաս

# Ուկրաինա

Թուրքական Roketsan ընկերության MAM-L ավիառումբ / © Укроборонпром / Автор: неизвестен, фото предоставлено пользователем

Ուկրաինայի զինված ուժերի 59-րդ բրիգադայի զինծառայողները Դոնեցկի Ժողովրդական Հանրապետության դեմ սկսել են կիրառել նաև անօդաչու թռչող սարքեր: Հաղորդվում է, որ ԴԺՀ-ի Ալեքսանդրովսկոյե գյուղի ուղղությամբ գործող ԱԹՍ-ից արձակված ավիառումբը պայթել է տներից մեկի բակում. 2016թ. ծնված երեխան մահացել է, իսկ 1954թ. ծնված կինը վիրավորվել և տեղափոխվել է հիվանդանոց:

Հաղորդվում է, որ ուկրաինական կողմից չճանաչված հանրապետությունների դեմ կիրառվող ականանետային և հրաձգային կրակոցները նախօրեին վերաճել են խոշոր տրամաչափի հրանոթներից արկակոծման: Նշվում է, որ թիրախում են հայտնվում ոչ միայն շփման գծի դիրքերը, այլև խաղաղ բնակավայրերը:

Ուշագրավ է, որ վերջին ամիսների ընթացքում առաջին անգամ Ուկրաինայի ԶՈՒ-երի կողմից կիրառվել է ավիառումբ կրող անօդաչու թռչող սարք: Հայտնի է, որ նման հնարավորություն ունեն ուկրաինական` տվյալ ճակատում տեղակայված ստորաբաժանումների սպառազինությունում առկա են առնվազն 6 միավոր թուրքական Բայրաքթարներ: Ռազմական փորձագետներն արդեն մեծ ուշադրություն են դարձնում կիրառված անօդաչուի տեսակի վրա` համարելով, որ նշված գործողությունը կարող էր իրականացնել միայն հզոր ԱԹՍ-ն:

Bayraktar TB2-ները համարվում են հետախուզահարվածային, որոնք միաժամանակ կարող են իրականացնել և´ հետախուզություն` այդ տվյալները փոխանցելով հարվածային այլ ստորաբաժանումների, և´ իրենց վրա տեղակայված 4 հրթիռներն արձակել թիրախների վրա:

Հավելենք նաև, որ Թուրքիան Ուկրաինայի համար շարունակում է Բայրաքթարներ արտադրել: Դրանք իրենց վրա կարող են կրել լազերային նշանառմամբ UMTAS հակատանկային հրթիռներ, գերճշգրիտ MAM-C և MAM-L ավիառումբեր, որոնք կարող են մինչև 8 կմ հեռավորության վրա խոցել շարժվող և անշարժ թիրախները:

Нашли опечатку? Выделите фрагмент и нажмите Ctrl + Enter.