Ուկրաինան ուսումնասիրում է «Ղարաբաղի օպերացիան» և պատրաստվում է պատերազմի. կարծիքներ

Մի շարք լրագրողներ համոզված են, որ Ուկրաինան ամենաուշը մայիսին պատերազմ կսկսի: Համեմատելու համար նշում են, որ Բաքուն, օրինակ, 2020թ. ամռանը Տավուշյան մարտական գործողություններով ոչ թե ստուգեց հայկական ուժերի կրակակետերը, այլ քաղաքական արձագանքը և Հայաստանի ներսում որոշումների կայացման արագությունը:

Նորություններ

# Դոնբաս

# Ուկրաինա

# Պատերազմներ

Ուկրաինան պատրաստվում է պատերազմի / © ANNA-news / Автор: неизвестен, фото предоставлено пользователем

Դոնբասում իրավիճակը շարունակում է սրվել: Մարտական գործողությունները, ըստ ստացվող տեղեկատվության, օր օրի նոր թափ են հավաքում, Ուկրաինան շարունակում է ուժեր կենտրոնացնել շփման գծի հատվածում: Ներկայացնում ենք Դոնբասի շուրջ սպասվող իրադարձությունների վերաբերյալ տարբեր կարծիքներ, որտեղ անմասն չէ նաև համեմատությունը Լեռնային Ղարաբաղի պատերազմին նախորդած շրջանի հետ:

Մասնավորապես` Գերման Կուլիկովսկիի («Старше Эдды») խոսքով` Դոնբասում տիրող իրավիճակը հիշեցնում է Անդրկովկասում նախորդ տարվա ամռանը տեղի ունեցած ընդհարումը (Տավուշյան մարտական գործողությունները, խմբ.): Նշում է, որ Բաքուն այն ժամանակ մարտական գործողություններով հետախուզություն իրականացրեց և արեց անհրաժեշտ եզրակացությունները:

Ընդ որում, հեղինակի խոսքով, Ադրբեջանի գլխավոր շտաբը ոչ թե ստուգեց հայկական ուժերի կրակակետերի տեղադիրքը, այլ քաղաքական արձագանքը և հենց Հայաստանի ներսում որոշումների կայացման արագությունը:

Կուլիկովսկին ընդգծում է, որ ներկայումս նույն գործողությունները կատարում են Ուկրաինայի զինված ուժերը: Եվ երբ քաղաքական իրադրությունը թույլ տա, Ուկրաինան կհարվածի: Ընդ որում, ինչպես նշում է, Կիևի համար պատերազմը ելքը միևնույնն է. թե´ Ազգային միլիցիայի կորպուսների արագ ոչնչացումն և Դոնեցկի գրավումը, թե´ Ռուսաստանի լայնամասշտաբ մասնակցությունը պատերազմին և Ուկրաինայի ԶՈՒ հարձակվող խմբավորումների ոչնչացումը:

Մոսկվայի քաղաքային պետդումայի պատգամավոր, լրագրող Անդրեյ Մեդվեդևի խոսքով` «Զելենսկին նացիստ է», և կասկած չկա, որ նա Դոնբասում նոր պատերազմ է սանձազերծելու:

Մեդվեդևը լայնածավալ պատերազմի վերսկսման ժամկետ է նշել ամենաուշը մայիսին: Նրա խոսքով` այդ պարագայում զարմանալի է, որ Դոնբասի ստորաբաժանումներին թույլ չեն տալիս խստորեն պատասխանել ուկրաինական կողմի հարվածներին:

«Եթե համարում են, որ դա իրավիճակն ավելի կվատացնի, ապա սխալվում են»,- նշում է պատգամավորը` ընդգծելով, որ Զելենսկին, միևնույն է, պատերազմ սկսելու է: Մեդվեդևի համոզմամբ` Ուկրաինան մեծ ուշադրությամբ ուսումնասիրում է «Ղարաբաղյան» և խորվաթական «Олуja» օպերացիաները: Ու թեև Ուկրաինայի զինված ուժերը դեռ պատրաստ չեն պատերազմի, սակայն, նրա խոսքով, դա ոչ ոքի չի անհանգստացնում:

Нашли опечатку? Выделите фрагмент и нажмите Ctrl + Enter.