«Կարևոր է իմանալ ու հիշել». Հրանտ Տեր-Աբրահամյանը՝ պտտվող քարոզչական նյութերի մասին
Քաղաքագետ, պատմաբան, հրապարակախոս Հրանտ Տեր-Աբրահամյանի խոսքով՝ քարոզչական նյութեր են պտտվում, որոնց նպատակն է «հայի արյամբ, քրտինքով, մտքով, ոգով նվաճվող հաղթանակի քաղաքական հետևանքները չեզոքացնել, պղտորել, խլել մեր ձեռքից»:
Քաղաքագետի խոսքով՝ քարոզչությունը երբեք միագիծ չի լինում: Նույն կենտրոնից ղեկավարվող քարոզչությունը կարող է միաժամանակ կամ ըստ իրավիճակի տարածել առաջին հայացքից իրար լիովին հակադիր թեզեր, բայց դրան բոլորն էլ ուղղված լինեն մեկ նպատակի:
Տեր-Աբրահամյանն օրինակներ է բերել, որոնք պատերազմական այս օրերին մեծ տարածում ունեն հասարակության լայն շրջանակներում: Նախ՝ պատերազմի ավարտի մասին. շուտով ավարտվելու է, ամսաթիվ է նույնիսկ նշվում, հրադադարի կնքման մասին, բանակցությունների անհրաժեշտության մասին և այլն: Ընդ որում, քաղաքագետի խոսքով, եթե հրադադար հաստատվի, նույն շրջանակները խոսելու են հայկական կողմի՝ «առաջ գնալու հնարավորություն ունենալու», բայց նրան դա անել թույլ չտալու մասին:
Տեր-Աբրահամյանն անդրադարձել է նաև այն հայտարարություններին, որոնք կոչ են անում հարվածել Ադրբեջանի տնտեսական կարևոր օբյեկտներին, ընդ որում՝ Իսկանդերով: Իսկ իրականում, ինչպես վստահեցնում են շատ-շատերը, հայկական զինված ուժերը հաջողությամբ, թեև կորուստներ կրելով, դիմակայում են թշնամու հարձակմանը՝ առանց Իսկանդերի ու նավթամուղերին հարվածելու: Քաղաքագետի խոսքով՝ Հայաստանին նման քայլերի դրդելու նպատակը դրա արդյունքում միջազգային միջամտության հիմքեր ստեղծելն է:
Թուրքիայի հետ բանակցելու հավանականության մասին. Տեր-Աբրահամյանն ընդգծում է, որ քարոզչական որոշ կենտրոններ սարսափում են այն մտքից, որ Հայաստանը կարող է այնքան ինքնիշխան ու անկախ գտնվել, որ բանակցի «նրա հետ, ում հետ կուզի»:
Հրանտ Տեր-Աբրահամյանի խոսքով՝ Գետաշենի ազատագրման լուրերը նույնպես այդ կենտրոնից են տարածվել՝ «բոլոր թեմաները վերահսկելու նպատակով»: Այդ թեմաներն, ըստ քաղաքագետի, պարտվողականն են և ուռա-հայրենասիրականը: Տեր-Աբրահամյանը միջանկյալ նպատակ է համարում հոգեբանության վրա ազդելը. «լուրը տարածվում է, հետո չի հաստատվում, ստեղծվում է հոգեբանական անկում»: Բացի այդ, քաղաքագետի համոզմամբ, շեղում է բուն խնդրից:
Նախորդ սկզբունքով, նրա խոսքով, հրադադար կնքելու դեպքում նույն կենտրոնը տարածում է. «Գետաշենը գրավում եինք, չթողին»: Քարոզչական այս մոդելի նպատակը, Տեր-Աբրահամյանի խոսքով, նույնն է՝ «հայի արյամբ, քրտինքով, մտքով, ոգով նվաճվող հաղթանակի քաղաքական հետևանքները չեզոքացնել, պղտորել, խլել մեր ձեռքից»:
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Կոտայքի մարզում ավտոմեքենայից արձակված կրակոցներից երկու պարեկային ծառայող վիրավորվել է։ Ոստիկանությունը ձերբակալել է դեպքին առնչություն ունենալու մեջ կասկածվող երկու անձի։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները