Վարչապետի մամուլի խոսնակը մեկնաբանել է «Նախիջևանի միջանցքի» մասին հայտարարությունները — Շեշտ.am (shesht.am)
4 րոպե
Խմբագրություն

Վարչապետի մամուլի խոսնակը մեկնաբանել է «Նախիջևանի միջանցքի» մասին հայտարարությունները

Մանե Գևորգյանի խոսքով` Հայաստանը հետաքրքրված է Ադրբեջանի տարածքով հայկական բեռները Ռուսաստանի Դաշնություն և Իրանի Իսլամական Հանրապետություն ու հակառակ ուղղությամբ տեղափոխելու հնարավորությամբ, և այդ համատեքստում Հայաստանը պատրաստ է ապահովել հաղորդակցությունն Ադրբեջանի Արևելյան մասի և Նախիջևանի միջև:

Մանե Գևորգյան / © Armenpress

Մանե Գևորգյանի խոսքով` Նիկոլ Փաշինյանը մի քանի անգամ ուշադրություն է հրավիրել այն փաստի վրա, որ նոյեմբերի 10-ի հայտարարությամբ Ադրբեջանը Նախիջևանի հետ կապող միջանցքի մասին խոսք չկա: Նա հիշեցրել է, որ Հայտարարության 9-րդ կետը վերաբերում է տարածաշրջանի տրանսպորտային և տնտեսական ենթակառուցվածքների ապաշրջափակմանը: Խոսքը նաև Ադրբեջանի արևելյան մասի և Նախիջևանի միջև տրանսպորտային կապ հաստատելու մասին է:

Վարչապետի մամուլի խոսնակը նշել է, որ Հայաստանը հետաքրքրված է Ադրբեջանի տարածքով հայկական բեռները Ռուսաստանի Դաշնություն և Իրանի Իսլամական Հանրապետություն ու հակառակ ուղղությամբ տեղափոխելու հնարավորությամբ: ՀՀ-ին հետաքրքրում են դեպի ՌԴ հայկական բեռները ավտոմոբիլային և երկաթուղային տրանսպորտի միջոցով և ԻԻՀ՝ հատկապես երկաթուղային տրանսպորտով փոխադրումների հնարավորությունները: Այս համատեքստում, Մանե Գևորգյանի խոսքով, Հայաստանը պատրաստ է ապահովել հաղորդակցությունը Ադրբեջանի Արևելյան մասի և Նախիջևանի Ինքնավար Հանրապետության միջև:

Փաշինյանի մամուլի խոսնակն ընդգծել է, որ տրանսպորտային հաղորդակցության վերաբերյալ հարցերի ամբողջական քննարկումը դժվար կլինի առանց նոյեմբերի 10-ի համատեղ հայտարարության 8-րդ կետի (գերիների, պատանդների, այլ պահվող անձանց, զոհվածների մարմինների փոխանակման) լիարժեք իրագործման: Հայկական կողմը, Գևորգյանի խոսքով, չափազանց կարևոր է համարում նաև ռազմական գործողությունների գոտում որոնողափրկարարական աշխատանքների ծավալների ընդլայնումը:

Վարչապետի մամուլի խոսնակը նշել է, որ մինչև հիմա Բաքվում պահվող հայ գերիներ կան, բազմաթիվ են վկայությունները նրանց նկատմամբ դաժան և նվաստացնող վերաբերմունքի մասին: Կան վկայություններ գերիներին մահապատժի ենթարկելու փաստերի վերաբերյալ: Մանե Գևորգյանը շեշտել է, որ այդ բոլոր վկայությունները պետք է մանրամասն քննության արժանանան, այդ թվում` միջազգային ատյաններում:

Գևորգյանն անդրադարձել է նաև Ադրբեջանում վերջին տասնամյակում ծավալվող հայատյաց քարոզչության շարունակմանը: «Տարածաշրջանում կայունություն և խաղաղություն հաստատելու համար անհրաժեշտ է վերջ դնել սադրիչ գործողություններին և հայտարարություններին»,- նշել է վարչապետի մամուլի խոսնակը:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.