Ադրբեջանը ներողություն է խնդրել ռուսական ուղղաթիռին հարվածելու համար

Որպես ադրբեջանական զինուժի կողմից ուղղաթիռին հարվածելու հանգամանքի արդարացում՝ Ադրբեջանի արտաքին գործերի նախարարությունը նշել է, որ ուղղաթիռն ընթացել է սահմանին շատ մոտ տարածությամբ, օրվա մութ ժամին, փոքր բարձրության վրա և ՀՕՊ ռադարների հայտնաբերման գոտուց դուրս:

Նորություններ

# Ադրբեջան

# Ուղղաթիռներ

# Ռուսաստան

Ռուսական ուղղաթիռի պայթյունը՝ ադրբեջանական կողմից հարվածի պահին, կադր տեսանյութից / Հեղինակ՝ անհայտ, լուսանկարը տրամադրել է օգտատերը

Ադրբեջանի ԱԳՆ-ն խոստովանել է, որ հայ-ադրբեջանական սահմանի նախիջևանյան հատվածում ռուսական Մի-24 ուղղաթիռ են խոցել: Որպես ադրբեջանական զինուժի կողմից ուղղաթիռին հարվածելու հանգամանքի արդարացում՝ Ադրբեջանի արտաքին գործերի նախարարությունը նշել է, որ ուղղաթիռն ընթացել է սահմանին շատ մոտ տարածությամբ՝ այն ժամանակ, երբ Լեռնային Ղարաբաղի հակամարտությունը սրված է, պատերազմ է ընթանում:

Պաշտոնական Բաքուն նշել է, որ ուղղաթիռն ընթացել է մթության մեջ, ցածր բարձրությամբ, ռադարների հայտնաբերման գոտուց դուրս: Արդարացման մեջ նշվում է, որ ադրբեջանական կողմը զգուշացել է, որ թռիչքը կարող է հայկական կողմից կազմակերպված սադրանք լինել, ուստի հերթապահ հաշվարկները որոշել են կրակ արձակել:

Ուղղաթիռի խոցումը / Տեսանյութը՝ սոցցանցերի ադրբեջանական տիրույթից

Հայտարարությունում ադրբեջանական կողմը ներողություն է խնդրել ռուսական կողմից՝ տեղի ունեցածը որակելով պատահականություն: Նշվել է, որ «այն ուղղված չէ ռուսական կողմին»: Բաքուն նաև ցավակցություն է հայտնել զոհվածների ընտանիքներին, շուտափույթ ապաքինում մաղթել վիրավորին:

Հավելենք նաև, որ Ադրբեջանական կողմը պատրաստակամություն է հայտնել նաև դրամական փոխհատուցում հատկացնել ռուսական կողմին:

Վրիպա՞կ գտաք։ Նշեք հատվածը և սեղմեք Ctrl + Enter։