Հայաստանի տարածքում ռուսական ուղղաթիռ է խփվել. աղբյուր (Upd.)
Վկայակոչելով ռուսական ուժային կառույցներում գտնվող աղբյուրը՝ հաղորդվում է, որ Հայաստանի տարածքում ռուսական ուղղաթիռ է խոցվել, հավանաբար՝ Նախիջևանի տարածքից:
Վկայակոչելով ռուսական ուժային կառույցներում գտնվող աղբյուրը՝ հաղորդվում է, որ Հայաստանի տարածքում ռուսական ուղղաթիռ է խոցվել, հավանաբար՝ Նախիջևանի տարածքից:
Նշվում է, որ ուղղաթիռն ընկել է Արարատի մարզում: Աղբյուրի փոխանցմամբ՝ մանրամասները ներկայումս ճշտվում են:
UPD 1. Էդմոն Մարուքյանը տեսանյութ է հրապարակել, որտեղ երևում է, թե ինչպես է այրվում Արարատի մարզում ընկած ռուսական ուղղաթիռը:
Մարուքյանի հաղորդմամբ՝ տեսանյութը տրամադրել է ականատեսը:
UPD 2. Արտակարգ իրավիճակների նախարարությունը հայտնում է, որ նոյեմբերի 9-ին, ժամը 18։39-ին Արարատի մարզային ճգնաժամային կառավարման կենտրոն ահազանգ է ստացվել, որ Երասխ գյուղից Պարույր Սևակ գյուղ տանող հատվածում՝ ձորում, ռուսական ուղղաթիռ է ընկել և բռնկվել։
Դեպքի վայր են մեկնել ԱԻՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատներից երեք մարտական հաշվարկ։
UPD 3. Ռուսաստանի ՊՆ-ն հայտարարել է, որ ուղղաթիռը խոցվել է դյուրակիր զենիթային հրթիռային համալիրի արձակած հրթիռից: Հաղորդվում է, որ ուղղաթիռն ուղեկցում էր ռուսական 102-րդ ռազմաբազայի ավտոշարասյունը: Անձնակազմի 2 անդամներ զոհվել են, 1-ը՝ վիրավորվել:
Մեկնաբանությունները