Հայաստանում Covid-19-ով վարակվածության 259 նոր դեպք է հաստատվել
Նախորդ օրը Հանրապետությունում կորոնավիրուսից մահացել է 5 մարդ, առողջացել են 542-ը: Փաստացի բուժում ստացող պացիենտների թիվը դարձել է 8877:
Վարակվածության հաստատված դեպքերի ընդհանուր թիվը Հայաստանում հասել է 38196-ի: Առողջացածների թիվը դարձել է 28366: Նախորդ օրը կատարված թեստերից 1115-ն են բացասական եղել: Մինչ օրս կատարվել է ընդհանուր առմամբ 161754 թեստավորում:
Կորոնավիրուսից մահացածների թիվը Հայաստանում հասել է 728-ի: Նախորդ օրը մահացած պացիենտները եղել են 75 (տղամարդ), 83 (տղամարդ), 90 (կին), 83 (տղամարդ) և 55 (կին) տարեկան։ Բոլորն ունեցել են ուղեկցող քրոնիկական հիվանդություններ։
Փաստացի բուժում ստացողների թիվը նվազել է 9 հազարից՝ դառնալով 8877: Կառավարության նիստի ժամանակ վարչապետ Նիկոլ Փաշինյանն ընդգծել է, որ համաճարակային իրավիճակը Հանրապետությունում մեղմվում է, ինչի մասին վկայում են նախորդ օրերի ցուցանիշները:
Մեկնաբանությունները