Արարատ լեռը և Խոր Վիրապ վանքը` Netflix-ի «Վերջին կայսրերը» սերիալի թրեյլերում
Համացանցում է հայտնվել Netflix-ի ` Նիկոլայ Երկրորդ կայսեր մասին պատմող «Վերջին կայսրերը» սերիալի առաջին թրեյլերը: Այնտեղ երևում են նաև Խոր Վիրապն ու Արարատ լեռը:
Վեց մասից բաղկացած դրամատիկ սերիալը խորությամբ ուսումնասիրում է Ռոմանովների դինաստիայի անկումը: Այն գեղարվեստորեն ներկայացնում է իրադարձությունները` համադրելով փաստերը, պատմական ընդգրկվածությունը և դինամիկ սյուժեն:
Netflix-ի թրեյլերում ցուցադրված է Ռուսաստանի պատմության 20-ամյա շրջանը՝ Նիկոլայ Երկրորդի թագադրումից 1896-ին մինչև 1918-ի իրադարձությունները, երբ Ռուսաստանի վերջին կայսրը հրաժարվեց գահից և ընտանիքի հետ գնդակահարվեց բոլշևիկների կողմից:
Գլխավոր դերերը մարմնավորել են Բեն Քարթրայթը («Շերլոկ Հոլմս»), Սյուզաննա Հերբերտը, Օլիվեր Դիմսդեյլը, Էլսի Բեննետը, Դունկան Պոուն, Ռոբերտ Ջեկը, Ստեֆֆան Բոյեն և ուրիշներ:
Ֆիլմի պրեմիեարան կկայանա հուլիսի 3-ին:
Մեկնաբանությունները