High connect. Սերժ Թանկյանը, Ալեքսիս Օհանյանը, Էրիկ Իսրայելյանը և Երվանտ Զարոյանը հայկական նոր հարթակ են ստեղծում
Հայկական նոր հարթակը հնարավորություն կտա Հայաստանում ապրող հային կապ հաստատել աշխարհի մյուս ծայրում գտնվող մեկ այլ հայի հետ. օրինակ՝ լրագրող հայերը կարող են գտնել իրար:
WCIT 2019-ի մասին շատ ենք գրել: Այդ համաժողովի շրջանակներում Հայաստանում գտվնող աշխարհահռչակ հայերը՝ Reddit սոցկայքի և Initialized Capital վենչուրային ընկերության համահիմնադիր Ալեքսիս Օհանյանը, System of a Down-ի մենակատար Սերժ Թանկյանը, «Խոստումը» ֆիլմի պրոդյուսեր Էրիկ Իսրայելյանը, Synopsys ընկերության հայկական մասնաճյուղի նախագահ Երվանտ Զորյանը համատեղ գաղափարի արդյունքում ստեղծել են «High connect» նոր առցանց հարթակը:
Դրա նպատակն ամբողջ աշխարհի հայերի միջև կապ հաստատելն է, նրանց ընդհանուր հետաքրքրությունների շուրջ համախմբելը: Որպես օրինակ՝ Սերժ Թանկյանը նշել է, որ հայ լրագրողը հարթակի շնորհիվ կարող է կապ հաստատել աշխարհի մյուս ծայրում գտնվող հայ լրագրողի հետ:
Հայտնի գործիչների նախագծին նվիրված ասուլիսին մասնակցել է նաև ՀՀ բարձր տեխնոլոգիական արդյունաբերության նախարար Հակոբ Արշակյանը: Նա ուշադրություն է հրավիրել անվան վրա՝ «high»-ը խորհրդանշորեն համարելով և բարձր, և «հայ»:
Հեղինակները նշել են, որ այս հարթակը կնպաստի ոչ միայն տեխնոլոգիայի զարգացմանը, այլև Հայաստանի և Սփյուռքի հայերի միջև նոր կապի հաստատմանը՝ արդեն հստակ ոլորտներում. այցելուները կիմանան ինչ են փնտրում, ինչ են ուզում:
Մեկնաբանությունները