Ի՞նչ ասացին Ալեքսիս Օհանյանն ու Քիմ Քարդաշյանը
Ալեքսիս Օհանյանը ծրագրավորման լավ հիմք է համարում շախմատը, իսկ Քիմ Քարդաշյանը հայկական ծաղիկների բույրով օծանելիք կարտադրի:
Երևանում շարունակվում է WCIT 2019-ը՝ Տեղեկատվական տեխնոլոգիաների համաշխարհային համաժողովը: Համաժողովի պանելային քննարկմանը մասնակցել են նաև հայ հայտնիներ՝ Ալեքսիս Օհանյանը, Քիմ Քարդաշյանը և այլք:
Տեսնենք, թե որոնք են աշխարհահռչակ այս հայերի հիմնական ուղերձները:
Ալեքսիս Օհանյան
Գործարար, Reddit կայքի և Initialized Capital վենչուրային ընկերության համահիմնադիր Ալեքսիս Օհանյանը գտնում է, որ պետք է զարգացնի հայերենի իր իմացությունը:
Նա նշել է նաև, որ Հայաստանում, Երևանում համաշխարհային լսարան ունենալը հրաշալի է և հուզիչ: Նրա խոսքով՝ Հայաստանը փոքր երկիր է՝ բազմաթիվ հիանալի գաղափարներով, ինչն էլ տնտեսության զարգացման լավագույն միջոցներից է: Հայ երեխաները մանկուց շախմատ են խաղում, ինչը, Օհանյանի համոզմամբ, լավ հնարավորություն է տալիս՝ մշակելու նոր տեխնոլոգիաներ:
Քիմ Քարդաշյան
Ամերիկյան հեռուստաաստղ, գործարար Քիմ Քարդաշյանը հայտարարել է, որ ցանկանում է հայկական ծաղիկների հոտով օծանելիք արտադրել: Ծաղիկների տեսակները չի նշել:
Քիմը հայտնել է, որ բանակցություններ է վարում հայ խոշոր ներդրողների հետ՝ Հայաստանում SKIMS-ի գործարան հիմնելու համար:
Քարդաշյանը հայտարարել է նաև, որ իր ջանքերն է ներդնում ԱՄՆ-ի կողմից Ցեղասպանության ճանաչման համար. նախագահի հետ չի քննարկել այդ հարցը, բայց խորհրդականների հետ այս թեմայով զրույցներ շատ է ունեցել:
Մեկնաբանությունները