Ռոսկաչեստվոն խորհուրդ է տալիս սկոչել նոթբուքի միկրոֆոնն ու տեսախցիկը
Այս դեպքում, եթե նույնիսկ հաքերները մուտք գործեն ձեր համակարգիչ, ապա նրանք ոչ կլսեն, ոչ էլ կտեսնեն ձեզ:
Որակի ռուսական համակարգը` «Ռոսկաչեստվո»-ն, ծավալուն ուսումնասիրություն է կատարել` դիտարկելով կիբերհանցագործություններից պաշտպանվելու տարբերակներից մեկը: Խոսքը վերաբերում է միկրոֆոնի և տեսախցիկի միջոցով տվյալների արտահոսքից հատուկ պիտակների, սոսնձման, կպչուն ժապավենի կամ այլ միջոցներով խուսափելուն:
Փակեք միկրոֆոնն ու տեսախցիկը
«Եթե չեք ցանկանում դառնալ կիբերհանցագործների զոհ, ապա հակավիրուս ու թարմացված օպերացիոն համակարգ ունենալուց բացի՝ պետք է նաև փակել համակարգչի տեսախցիկն ու միկրոֆոնը: Դա կմեծացնի սարքավորման անվտանգությունը: Կարող եք հանգիստ լինել. եթե նույնիսկ հաքերը մուտք գործի ձեր համակարգիչ, նա ոչ կլսի, և ոչ էլ կտեսնի ձեզ» ,- նշում է Ռոսկաչեստվոն:
Կազմակերպությունն ընդգծում է, որ ոմանց կարող է այս խորհուրդը խենթություն թվալ, սակայն շատերը տան դռան փականը մի քանի անգամ են պտտում, նույնիսկ երբ տանն են: Եթե կա անցանկալի երևույթներից խուսափելու այսպիսի տարբերակ, ուրեմն արժե կիրառել այն: Անվտանգությունն ապահովեք՝ փակելով համակարգչի աչքերն ու ականջները:
Group-IB-ի համակարգային որոշումների դեպարտամենտի ղեկավար Անտոն Ֆիշմանը նշում է, որ եթե ինչ-որ մեկը սոսնձել է դյուրակիր համակարգչի կամ հեռախոսի տեսախցիկը, ապա նա ոչ թե խելագար է, այլ պարզապես տիրապետում է վիրուսների աշխատանքի սկզբունքներին:
Հայտնվելով համակարգչում կամ սմարթֆոնում՝ վնասակար ծրագիր-հետախույզը կարող է կրկնօրինակել փաստաթղթերը, կարդալ նամակները, ակտիվացնել միկոֆոնն ու տեսախցիկը: Այդպես է, օրինակ, աշխատում Pegasus ծրագիրը, որը WhatsApp մեսսենջերի հին տարբերակների խոցելիության պատճառով հարձակում էր գործել Android և iOS օպերացիոն համակարգերի վրա:
Պահպանեք «թվային հիգիենան»
Որակի ռուսական ստանդարտը նշում է, որ պետք է հասկանալ. տեսախցիկի վրա մեկ պիտակ ամրացնելով խնդիրը չի լուծվի: Անհրաժեշտ է պահպանել «թվային հիգիենան»՝ ծրագրեր չներբեռնել անվստահելի աղբյուրներից կամ սահմանափակել ծրագրերի հասանելիությունը ձայնագրման համակարգին կամ տեսախցիկին:
Տեսախցիկը կարելի է փակել փոքր, անթափանց սկոչով կամ էլեկտրամեկուսիչ կպչուն ժապավենով: Ներկայումս արտադրվում են նաև այդ նպատակին ծառայող «վարագույրիկներ», որոնք ամրանում են նոթբուքի տեսախցիկին և հեշտ կարգավորվում:
Info Watch ընկերությունների խմբի փոխնախագահ Ռուստեմ Հայրետդինովը նշել է, որ ինքն օգտագործում է սովորական կպչուն ժապավեն՝ ավելի շատ վստահելով, քան վարագույրիկին: Վերջիններս, նրա խոսքով, զգայուն տեսախցիկի համար բավականաչափ լույսի անցում են թույլատրում:
Տեսականորեն կարող Է տեսախցիկն ընկնել «հանցագործների ձեռքը», սակայն ռիսկերը փոքր են: Հայրետդինովը, այնուամենայնիվ, խորհուրդ է տվել պարզապես պահպանել «թվային հիգիենան»` խուսափելու տհաճ միջադեպերից: Կարևոր է ոչ թե տեսախցիկի արձանագրած դեմքը, արտաքին տեսքը, այլ այն, թե ինչի մասին և ում հետ եք խոսում:
Նույնը վերաբերում է նաև սմարթֆոններին. եթե նույնիսկ ջնջվեն ծրագրերի անպետք թույլտվությունները, ապա հավելվածները մշտապես հետևում են տիրոջը: Դրանք հավաքում են տեղանքի կամ ձայնային անհրաժեշտ տվյալները: Դրանք հետագայում կիրառվում են, օրինակ, գովազդային առաջարկների համար: Մեզ կարող են հետևել առաջին հայացքից «անմեղ» ծրագրեր, օրինակ` messenger-ը, լամպը (фонарик): Դրանցից խուսափել չի լինի, պարզապես անհրաժեշտ է կարևոր զրույցների ժամանակ անջատել սմարթֆոնը:
Իր հետազոտություններում Որակի ռուսական համակարգը` «Ռոսկաչեստվո»-ն, հիմնվում է այն ստանդարտի վրա, որում բջջային հեռախոսների ծրագրերին ներկայացվող պահանջներից մեկը միայն արդարացված թույլտվությունների հարցումն է: Կառույցը խորհուրդ է տալիս սահմանափակել ծրագրերի հասանելիությունը միկրոֆոնին, տեսախցիկին, նկարներին, տեղորոշմանը և այլն, եթե դա իհարկե չի խոչընդոտում անհրաժեշտ ծրագրերի աշխատունակությունը:
«Ռոսկաչեստվո»-յի փոխտնօրեն Իլյա Լոևսկին արձանագրել է, որ միկրոֆոնի և տեսախցիկի պիտակների կիրառումն արդեն խելագարություն չէ, այլ թվային հիգիենայի կարևոր նորմերից մեկը, որին պետք է հետևել: Դրա չիմացությունը, օրենքի նման, պատասխանատվությունից չի ազատում:
Telegram 
Facebook 
Google News Գերմանիայի դաշնային հետախուզական ծառայության (BND) նախկին ղեկավար Ավգուստ Հանինգը, Der Spiegel-ի տվյալներով, գաղտնի փաստաթղթերի հիման վրա զեկույց է կազմել Ադրբեջանի հետախուզության ներկայացուցչի համար։ Քննությունը դեռ պարզում է՝ արդյոք այն հասել է հասցեատիրոջը։
Շաքիում կալանավորված Ադրբեջանի զինծառայող Նասիմի Մուսաևի նկատմամբ սկսված քննությունը կշարունակվի Հայաստանում։ Վարչապետ Նիկոլ Փաշինյանը հայտարարել է, որ այս միջադեպը չի կապվում Ադրբեջանում պահվող հայ գերիների հնարավոր փոխանակման հետ։
Վարչապետ Նիկոլ Փաշինյանի խոսքով՝ Amazon-ի հնարավոր ներդրումների համար անհրաժեշտ է շուրջօրյա կայուն էլեկտրամատակարարում։ Ընկերության պահանջը նա կապել է 1000 ՄՎտ հզորությամբ կայանի առկայության հետ։
Մի ինքնաթիռի հետևում երկար սպիտակ գիծ է ձգվում, իսկ մյուսի հետևում երկինքը մնում է պարզ։ Այս տարբերությունը պայմանավորված է օդի վիճակով և շարժիչների աշխատանքով, ոչ թե ինքնին ապացուցում է «թունավոր նյութերի ցրում»։
ՌԴ անվտանգության խորհրդի նախագահի տեղակալ Դմիտրի Մեդվեդևը քննադատել է Հայաստանի ղեկավարության արտաքին քաղաքականությունը։ Իրանի պետական հեռուստառադիոընկերությանը տված հարցազրույցում նա Հայաստանի համար ամենավտանգավոր սցենարն անվանել է «նոր Ուկրաինայի» վերածվելը։
Կոտայքի մարզում ավտոմեքենայից արձակված կրակոցներից երկու պարեկային ծառայող վիրավորվել է։ Ոստիկանությունը ձերբակալել է դեպքին առնչություն ունենալու մեջ կասկածվող երկու անձի։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները