Հրապարակվել է այն սարքավորումների ու հավելվածների ցանկը, որոնք ավելի շատ են փորձում կոտրել
ԱՄՆ-ում և Մեծ Բրիտանիայում ավելի հաճախ փորձում են կոտրել iPhone-ը և Instagram-ը:
Case24 ընկերության մասնագետները պարզել են, թե որ սարքավորումներն ու հավելվածներն են առավել հաճախ ենթարկվում հարձակումների: «Վարկանիշային» աղյուսակի կազմման համար ուսումնասիրվել է ԱՄՆ-ից ու Մեծ Բրիտանիայից Google-ի՝ մեկ ամսվա հարցումների միջին քանակը:
Սարքավորումների շարքում առաջատար է համարվել Apple-ը. iPhone-ը կոտրելու մասին տեղեկությունը մեկ ամսվա ընթացքում փնտրել է ԱՄՆ-ից 48 հազար մարդ, Մեծ Բրիտանիայից՝ 10 հազար մարդ: Մյուս սարքավորումներն էականորեն զիջում են դիրքերը. Samsung-ի սարքավորումները կոտրելու մասին տեղեկություն որոնել է համապատասխանաբար 3100 և 700 մարդ, LG-ի՝ 670 և 90 մարդ:
Հավելվածների դեպքում իրավիճակն ավելի սահուն է: Բայց կարելի է կազմել լավագույն եռյակը. Instagram (66960 և 12410 հարցում ԱՄՆ-ից ու Մեծ Բրիտանիայից), Snapchat (57740 և 7380 հարցում) և WhatsApp (36980 և 7100 հարցում): Հնգյակում են հայտնվել Youtube-ը և Twitter-ը:
Ավելի վաղ հաղորդվել է, որ Tesla-յի ավտոպիլոտին խաբել են ասֆալտե ծածկույթի վրա արված երեք կետի օգնությամբ, իսկ Bloomberg լրատվական գործակալությունը հօգուտ Telegram-ի հրաժարվել է WhatsApp-ից:
Մեկնաբանությունները