DoubleTake. հավելված iPhone-ների համար, որով հնարավոր է միաժամանակ երկու տեսախցիկով նկարել
Նկարահանման ռեժիմը ցուցադրվել է դեռևս iPhone 11-ի ներկայացման ժամանակ, սակայն XR և ավելի բարձր մոդելների սմարթֆոնների օգտատերերի համար այն միայն հիմա է դարձել հնարավոր:
Դեռևս 2019թ. աշնանը iPhone 11-ի ներկայացման ժամանակ Apple-ը հայտնել էր միաժամանակ մի քանի տեսախցիկներով նկարելու հնարավորության մասին: Այդ ռեժիմով, ընկերության հաղորդմամբ, կարելի է մի քանի ուղղությամբ լուսանկարել, օրինակ՝ հիմնական տեսախցիկով և դիմայինով նկարել և դեպքը, և արձագանքը, կամ՝ հարցազրույցը: Սակայն գործառույթն ամիսներ շարունակ iPhone-ում անհասանելի էր:
Հունվարի 28-ին Filmic-ն անվճար հավելված է թողարկել՝ DoubleTake-ը, որն ավելացնում վերոնշյալ գործառույթը: Այն աշխատում է iPhone 11, 11 Pro, 11 Pro Max, Xs, Xs Max և Xr մոդելների մոտ: Ի սկզբանե գործառույթը պետք է դառնար FiLMiC Pro հավելվածի մասը, սակայն դեռևս առանձին ծառայությունն է ակտիվ: Հավելվածի աշխատանքը ստուգվել է, որի արդյունքները ներկայացված են ստորև:
Հավելվածը մեկնարկում է տեսախցիկների ընտրությունից: Եթե դրանք երկուսից ավել են, ապա բոլորը միաժամանակ հնարավոր չէ օգտագործել: Օրինակ, iPhone 11 Pro-ի դեպքում պետք է ընտրել, թե որ երկու տեսախցիկները պետք է միացնել:
Կարգավորումներում կարելի է կադրերի հաճախականությունն ընտրել՝ 24, 25 կամ 30 կադր/վայրկյան: Ձայնագրումը կատարվում է 1080p կետայնությամբ. 4K-ով հնարավոր չէ:
Պետք է նաև ընտրել նկարահանման ռեժիմը: Ընդհանուր առմամբ՝ կա երեք ֆորմատ, որոնցից յուրաքանչյուրն ունի իր առավելություններն ու թերությունները.
— «Կիսված էկրանի» ռեժիմ. ձայնագրման ժամանակ էկրանն ուղղակի կիսվում է երկու մասի, յուրաքանչյուր դաշտ զբաղեցնում է իր տեսախցիկը: Ամենահասկանալի սցենարն այն է, որ մեկում ընտրվի հիմնական, մյուսում՝ դիմային տեսախցիկը:
— «Նկարը նկարում». մի տեսախցիկի պատկերն է էկրանին, իսկ մյուսինը փոքր պատուհանով է երևում: Վերջինս հնարավոր է տեղափոխել կամ ժամանակավորապես անջատել:
— Վերջինն ավելի պրոֆեսիոնալ է. այն «նկարը նկարում» ռեժիմի նման է, բայց միաժամանակ ձայնագրում է երկու տարբեր տեսախցիկներից՝ պահպանելով երկու առանձին ֆայլեր: Հետագայում ցանկության դեպքում կարելի է մոնտաժավորել:
Արևմտյան լրագրողները գրում են, որ հավելվածն ինչ-որ նորույթ է, իսկ XR մոդելներում դրա առկայությունն ավելի հասանելի է դարձնում գործառույթը, քան պարզապես զվարճանք թանկարժեք այֆոնների օգտատերերի համար: DoubleTake-ով, օրինակ, կարելի է այսպես վարվել.
Ահա մի քանի օրինակներ լրագրողներից ու բլոգերներից:
Filmic-ը թողարկել է նաև ուսուցողական տեսանյութ:
DoubleTake-ը մեծ տարածում կունենա, թե՝ ոչ, դեռ դժվար է ասել: Համենայն դեպս՝ դրանով հնարավոր է կատարել այն, ինչ Apple-ը ներկայացրել էր 2019թ. աշնանը:
Մեկնաբանությունները