102

Fortnite խաղում մեկնարկել է նոր գլուխ, որին նախորդել է համաշխարհային աղետը

Ամենատարածված օնլայն խաղերից մեկում՝ Fortnite-ում, ավարտվել է զանգվածային «Վերջ» իրադարձությունը, որին զուգահեռ մեկնարկել է խաղի նոր գլուխը:

Կադր նոր եթերաշրջանի թրեյլերից
Կադր նոր եթերաշրջանի թրեյլերից / ©theverge.com / Հեղինակ՝ неизвестен, фото предоставлено пользователем

Այսպիսիի իրադարձություններ խաղում ժամանակ առ ժամանակ տեղի են ունենում և փոխում են ընթացքը: Այս անգամ իրադարձությունն այնքան նշանակալից էր, որ ստրիմինգային ծառայությունների դիտելիությամբ գերազանցեց բոլոր ռեկորդները:

Նախորդ խաղաշրջանն ավարտվել է համաշխարհային աղետով

Fortnite-ում կան խաղաշրջաններ, որոնք տևում են մոտ տասը շաբաթ: Յուրաքանչյուրի ավարտից հետո մշակողները ներդնում են նոր սյուժեներ, խաղային պարագաներ, փոփոխում են կղզիները, որոնց վրա կատարվում են իրադարձությունները: Բայց այս անգամ ավարտվել է ոչ միայն տասներորդ խաղաշրջանը, այլև ամբողջ առաջին գլուխը: Այդ պատճառով էլ փոփոխությունները կրում են արմատական բնույթ:

Խաղաշրջանի ավարտն այսպիսի տեսք ունի. կղզուց հրթիռ է բաց թողնվել, որը հարվածել է երկնակամարին: Երկնքում առաջացած բեկորներին հարվածել են այլ հրթիռներ: Ի վերջո՝ քարտեզի վրա առաջացել է հսկայական որդնանցք՝ իր մեջ ներքաշելով կղզիներն ու խաղացողներին: Այդ ամենից հետո էկրանի վրա մնացել է միայն սև կետ: Մեկ օրից ավել խաղացողներն էկրանին տեսել են միայն պայծառ որդնանցքը:

Այն այսպիսի տեսք ունի / ©Fortnite Top10’s

Իրադարձությանը հետևել է ավելի քան 4,5 մլն մարդ Youtube-ում, 1,5 մլն-ը՝ Twitch-ում, ևս միլիոնը՝ Twitter-ում: Twitch-ի համար դա ռեկորդային թվով լսարան էր:

Սև անցքից տուժել է ոչ միայն խաղը

Fortnite-ի ինտերֆեյսի հետ սև անցքը ներքաշել է նաև կայքը և խաղի պաշտոնական սոցցանցերը: «Վերջ» իրադարձությունի մեկնարկից առաջ ջնջվել են թվիթերյան ավելի քան 12 հազար հրապարակումներ: Instagram-ում և այլ սոցցանցերում դիզայնը փոխարինվել է սևով՝ ցույց տալով դատարկություն:

Նոր խաղաշրջանից առաջ օգտահաշիվների դիզայնը թարմացվել է, իսկ թվիթերյան հրապարակումները անհայտ կերպով վերականգնվել են:

Սև անցքի շուրջ դավադրությունների տեսություններ են ստեղծվել

Խաղին կարոտածներն ուշադրություն են դարձրել, որ սև անցքի շուրջը պարբերաբար հայտնվում ու անհետանում են ինչ-որ թվեր: Դրանցից մեկն այսպիսին է. 146, 11, 15, 62:

Հանրությունը միանգամից սկսել է դրա շուրջ բանաձևեր կառուցել՝ փորձելով մեկնաբանել եղելությունը: Օգտատերերից մեկը որոշել է, որ դրանք կոորդինատներ են, և տեղադրել է Google Maps-ում: Նրա մոտ ի հայտ են եկել խեցգետիններ:

Twitch-ն անմիտ բանաձև է առաջարկել. թվերը նշանակում են, որ նոր խաղաշրջանում Աքվամեն (ջրամարդ) է հայտնվելու:

Team Secret կիբերսպորտային կազմակերպության պաշտոնական հաշիվը թվերն այսպես է մեկնաբանել. 11 տարի՝ Fortnite խաղացողների միջին տարիքն է, 146 ժամ՝ նոր գլխին այդքան է պետք սպասել, 15 օրից խաղացողները կտեսնեն 11-րդ խաղաշրջանը, 62՝ այսքան Skittles են կերել ընկերության աշխատակիցներն այն պահից, երբ խաղում հայտնվել է սև անցքը:

Կա ևս մեկ բանաձև. թվերը գաղտնագրված ուղերձ է խաղացողներին՝ տասներորդ խաղաշրջանի գլխավոր թշնամուց՝ The Visitor-ից: Սյուժեի համաձայն՝ նա ժամանել է, որպեսզի կազմաքանդի ժամանակային շրջանակը, որի մեջ հայտնվել է Fortnite-ի կղզին: Խաղացողներին առաջարկվել է հավաքել նրա հաղորդագրությունները, և նրանք, ովքեր դա արել են ուշադիր, կարողացել են գաղտնազերծել ուղերձը:

Միևնույն ժամանակ թվերի շարքն ընդլայնվել է՝ 11, 146, 15, 62, 87, 14, 106, 2, 150, 69, 146, 15, 36, 2, 172, 8, 160 և 65: Եթե հիմնվենք այս սկզբունքի վրա, ըստ @Thooming օգտատիրոջ առաջարկած բանաձևի, կստացվի՝ «Ես միայնակ չեմ: Մյուսները Շրջանակից դուրս էին: Դա անկանխատեսելի էր: Պահն անխուսափելի է»:

Սև անցքում նաև մինի-խաղ են թաքցրել

Նրանց համար, ովքեր հոգնել են նստել ու դիտել պայծառ որդնանցքը, խաղի հեղինակները ևս մեկ գաղտնիք են թողել: Եթե խաղացողը սև անցքով էկրանին մուտքագրի «Konami» կոդը, ապա նրա մոտ կհայտնվի մինի-խաղ: Այնտեղ պետք է պարզապես մի կտոր պիցցան փրկել ընկնող բուրգերից:

Մեմեր

Իրադարձությանն արձագանքել է նաև աստղաֆիզիկոս և գիտությունը հանրայնացնող Նիլ Դեգրաս Թայսոնը:

Իսկ Իլոն Մասքը հիշել է մեկամյա վաղեմության կատակը, իբր նա գնել է Fortnite-ը և ջնջել այն:

Fortnite-ի նոր գլուխը և 11-րդ խաղաշրջանը մեկնարկել է. ի՞նչ է փոխվել

Հոկտեմբերի 15-ի առավոտյան սև անցքի հեռարձակումը վերջապես ավարտվել է, և խաղացողներին ցուցադրել են, որ ծառայությունները գտնվում են տեխնիկական սպասարկման փուլում: Մի քանի ժամ անց թողարկվել է երկրորդ գլխի թրեյլերը՝ պաշտոնապես մեկնարկելով երկրորդ խաղաշրջանը:

Երկրորդ գլխի թրեյլերը / ©Fortnite RU

Ինչպես և խաղացողները ենթարդել են՝ խաղում ամբողջությամբ փոխվել է լանդշաֆտը: Քարտեզը նախորդին հիշեցնում է զուտ մի քանի անուններով (օրինակ՝ «Հաճելի այգի»):

Խաղում ձկնորսության (զենք, տարբեր պարագաներ որսալու) հնարավորություն է ավելացել: Արդեն կարելի է լողալ ջրում և նավ վարել: Բացի այդ՝ հնարավոր է նաև ընկերոջը հենել ուսերին և տեղափոխել ապահով վայր, ինչպես նաև թաքնվել աղբամանում:

Փոփոխվել են նաև հին զինատեսակները, ավելացել են նորերը, օրինակ՝ ընկերներին բուժելու համար կիրառվող: Խաղում հայտնվել է նաև սպառազինությունը բարելավելու և խոտի դեզի մեջ թաքնվելու հնարավորություն:

Տեքստում վրիպա՞կ եք գտել։ Նշեք հատվածը և սեղմեք Ctrl (Cmd) + Enter։
Հետևեք մեզ Telegram-ում, Facebook-ում և Google News-ում

Հանրաճանաչ

Նոյեմբերի 20, 08:03
Հ. Թումանյան

ՆԱՍԱ-ն հաստատել է, որ «Վոյաջեր-1»-ը դարձել է մարդու ստեղծած առաջին օբյեկտը, որը Երկրից մեկ լուսային օր՝ մոտ 25,9 միլիարդ կիլոմետր հեռավորության է հասել։ Այդ կետից ռադիոազդանշանին Երկիր հասնելու համար անհրաժեշտ է 24 ժամ։

Նոյեմբերի 19, 08:07
Հ. Թումանյան

Հարավային Չինաստանի երկու քարանձավներում հայտնաբերված ատամները վկայում են, որ հոմո էրեկտուսը հարմարվել էր խիտ արևադարձային անտառներում կյանքին։ Գտածոների տարիքը գնահատվում է մոտ 324–184 հազար տարվա միջակայքում․ սա մայրցամաքային Չինաստանում այս տեսակի ներկայության ամենաուշ շրջանի հուսալիորեն թվագրված վկայությունն է։

Նոյեմբերի 21, 08:07
Հ. Թումանյան

«Չանէ-6»-ի բերած լուսնային գրունտը և «Չանէ-4»-ի չափումները օգնել են տարբերակել Լուսնի հակառակ կողմը ձևավորած հնագույն բախումների հետքերը։ Նոր վերլուծությամբ՝ Հարավային բևեռ–Էյթքեն հսկա ավազանը ձևավորվել է մոտ 4,34 միլիարդ տարի առաջ, իսկ դրա ներսում գտնվող Ապոլոն ավազանը՝ ավելի ուշ՝ մոտ 4,2 միլիարդ տարի առաջ։

Նոյեմբերի 16, 18:30
Հ. Թումանյան

ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։

Նոյեմբերի 16, 20:04
Հ. Թումանյան

Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։

Նոյեմբերի 16, 21:02
Հ. Թումանյան

Գերմանիան, Ավստրիան, Նիդեռլանդները, Դանիան և Հունաստանը նոյեմբերի 16-ին հայտարարել են Ռուանդայի հետ բանակցությունների մասին։ Նրանք ցանկանում են այնտեղ ընդունման կենտրոն ստեղծել այն մարդկանց համար, որոնք ԵՄ-ում մնալու իրավունք չունեն և չեն կարող վերադառնալ իրենց ծագման երկիր։

Նոյեմբերի 16, 18:30
Հ. Թումանյան

ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։

Նոյեմբերի 13, 08:05
Հ. Թումանյան

Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։

Նոյեմբերի 16, 20:04
Հ. Թումանյան

Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։

[miniorange_social_login]

Մեկնաբանություններ

Գրել մեկնաբանություն