Աշխարհահռչակ սթրիմեր Ninja-ն Twitch-ից տեղափոխվել է Microsoft. մյուս աստղերը ևս կարող են հեռանալ

Աշխարհի ամենահայտնի սթրիմերը՝ Ninja անունը կրող 28-ամյա միլիոնատեր Թայլեր Բլևինսը հայտարարել է, որ հեռանում է Twitch-ից: Սա աննախադեպ երևույթ է. Բլևինսը լքել է այն հարթակը, որտեղ տևական ժամանակ առաջատարն է եղել: Ninja-ն մի քանի տարում հավաքել էր 15 մլն հետևորդ, նրան ամենամոտ մրցակցինը դրա կեսն էր:

Ninja-յի մասին

Բլևինսը հայտնի է դարձել Twitch-ի և Fortnite-ում խաղի շնորհիվ, որը մշտապես ցուցադրել է իր ալիքում: Նա հայտնվել է ESPN սպորտային ամսագրի շապիկին, մասնակցել է ամերիկյան հեռուստահաղորդավար Էլեն Դեջեներեսի շոուին, ռեփեր Դրեյքի հետ խաղացել է Fortnite-ում:

Այժմ Ninja-ն սթրիմներ կանի Mixerում՝ Microsoft-ին պատկանող, ավելի քիչ դիտումներ ունեցող տիրույթում: Հավանաբար Twitch-ի մյուս աստղերը կհետևեն նրա օրինակին և կտեղափոխվեն Mixer:

Mixer-ի ու Twitch-ի տարբերությունը

Mixer հավելվածը տեղակայված է Microsoft-ի պրոդուկտներում՝ Windows 10-ում և տեսախաղերի համար նախատեսված խաղային կցորդ Xbox One-ում, որտեղ ներկայացված է որպես առանձին բաժին:

Ներկայումս Mixer-ի լսարանը համեմատելի չէ Twitch-ի ցուցանիշների հետ: Դա բացատրվում է նրանով, որ վերջինը գործում է 2011-ից, իսկ Mixer-ը ստեղծվել է 2015թ.: 2019թ. Twitch-ին բաժին է ընկնում դիտումների 72%-ը, մինչդեռ Microsoft-ի հարթակում՝ ընդամենը՝ 3%: Ninja-յի նման հանրահայտ կերպարների մասնակցությունը, հավանաբար, կմեծացնի Mixer-ի լսարանը և սթրիմինգի շուկայում կմեծացնի նրա դերը:

Մյուս առումներով Twitch-ը և Mixer-ը նման են. կա վճարովի բաժանորդագրություն, ներսերվիսային գնումներ, չաթ, ցուցադրման պատուհան և այլ անհրաժեշտ գործառույթներ:

Microsoft-ը գնե՞լ է Ninja-յին

Գումարի դիմաց տեղափոխվելու հանգամանքը չի բացահայտվում, սակայն սթրիմերի մենեջերները հայտարարել են, որ գումարի չափը հիմնական գործոնը չի եղել: Mixer-ն ավելի երիտասարդ լսարան ունի, ովքեր հաճախ խաղում են վահանակներում (Консоль): Սթրիմերի ներկայացուցիչների խոսքով՝ հիմնականում հենց սա է նպաստել Բլևինսի որոշման վրա: Տեղափոխությունը նրա համար նաև նոր երկրպագուներ ներգրավելու հնարավորություն է:

Հանրահայտ յութուբեր PewDiePie-ը ենթադել է, որ ամենայն հավանականությամբ Microsoft-ը խոշոր գումարով գնել է Ninja-յին: Դա այնքանով է հնարավոր, որ Twitch-ում նա վաստակել է 500 հազար դոլարից ավելի, այլ տվյալներով՝ ավելի քան 600 հազար դոլար: Ուստի պետք է գուշակել, թե ինչ կարժենար տեղափոխումը Mixer:

Ինչո՞վ է այժմ զբաղվելու Ninja-ն

Նույն գործով. սթրիմ է անելու Fortnite-ը և այլ խաղեր: Ներկայումս փոքր լսարանի պատճառով Mixer-ը այնքան էլ տոքսիկ և ագրեսիվ հանրույթ չի համարվում, ինչպես Twitch-ը: Ninja-ն սկզբնական շրջանում կկիրառի թույլ հոգեբանական և էմոցիոնալ ճնշում, քան Twitch-ում աշխատելիս: Սա կարևոր գործոն է մարդու համար, որ սթրիմ է անում օրական 12 ժամ:

Բացի այդ, փոքր լսարանը նաև քիչ մրցակցություն է: Twitch-ում այս պահին 1,5 մլն սթրիմեր կա, իսկ Mixer-ում՝ 69 հազար, ինչը Ninja-յին հնարավորություն կտա մի քիչ հանգստանալ: Բլևինսը վերջերս շատ բողոքել ծանրաբեռնվածությունից և գերհոգնածությունից:

Սթրիմերի գերհոգնածությունը

Ամենաերկար արձակուրդը Բլևինսի մոտ եղել է 6 օր՝ մեղրամիսի ժամանակ: Երբ նա Twitch-ում դուրս չէր գալիս եթեր, սկսում էր կորցնել հետևորդների, համապատասխանաբար նաև՝ գումար: Նա չէր կարող հանգստանալ և զրուցել լրագրողների հետ, քանի որ մեկժամյա բացակայությունը նրանից խլում էր 200-300 դիտող: 2018թ. Ninja-ն երկու օր անցկացրել է Լոս Անջելեսում անցկացվող E3 ցուցահանդեսին, ինչի հետևանքով կորցրել է 40 հազար հետևորդ:

Նախկինում Բլևինսի օրը սահմանված գրաֆիկով էր անցնում՝
— ժամը 9:30-16:00 – առաջին սթրիմ,
— 3-4 ժամ հանգիստ և ընտանիքի հետ,
— 19:00-ից մինչև գիշերվա ժամը 2-3-ը – երկրորդ սթրիմը,
— 6-7 ժամ քուն:

Mixer-ը Բլևինսին հնարավորություն կընձեռնի ավելի շատ ժամանակ անցկացնել ընտանիքի հետ և ծանր չտանել հետևորդների հեռացումը: Ninja-ն իր տեսաուղերձում հայտարարել է, որ Twitch-ից հեռացումն ինչ-որ իմաստով վերադարձ է արմատներին և հնարավորություն՝ հիշելու, թե ինչու է նա երբևէ սիրել ուղիղ հեռարձակումները:

Էջանիշ

Պատճենել հղումը

Email

Տպել

Twitter

VK

Telegram