Ռուսաստանցին հոսպիտալացվել է Չինաստանում տարածված նոր կորոնավիրուսով վարակման կասկածով. (upd.)
ՌԴ Առողջապահության նախարարությունը հաղորդել է, որ հետազոտությունը կարող է մի քանի օր տևել: Բժիշկներն առայժմ եզրակացություն չեն հայտնում: Հունվարի սկզբից մինչ օրս 2019-nCoV նոր կորոնավիրուսից գրանցվել է մահացության 17 դեպք: Հիվանդության դեպքեր են գրանցվել Ճապոնիայում, ԱՄՆ-ում, Հվ.Կորեայում և Թայլանդում:
Տեղեկություններ կան, որ 23 ամյա ռուսաստանցին վարակվել է 2019-nCoV կորոնավիրուսով, որն առաջին անգամ գրանցվել էր Չինաստանում: Շահնայից Սանկտ Պետերբուրգ ուղևորված երիտասարդը տեղափոխվել է Բոտկինի անվան հիվանդանոց՝ սուր շնչառական վիրուսի ախտորոշմամբ, բարձր ջերմաստիճանով, հևոցով ու հազով: Բժիշկները պարզում են կապը 2019-nCoV-ի հետ:
Պուլկովոյի օդանավակայանի Կանաչ գոտին վարակազերծել են, մարդկանց՝ տարհանել: Չինաստանից ժամանողներին ստուգում են ջերմացույցի օգնությամբ:
Այլ տեղեկությունների համաձայն՝ հոսպիտալացվածները 2-ն են: Երկրորդը 20-ամյա ուսանող է, ՉԺՀ-ի քաղաքացի, ով մեկ շաբաթ առաջ է Սանկտ Պետերբուրգ մեկնել Չինաստանից: Հաղորդվում է, որ նրան նույնպես հետազոտում են:
Հիվանդանոցի գլխավոր բժիշկ Ալեքսեյ Յակովլևը նշել է, որ երկու երիտասարդներն իրենց մոտ են տեղափոխվել շնչառական վարակների ախտանիշներով, որով և արտահայտվում է կորոնավիրուսը: Բժշկի խոսքով՝ հետազոտության արդյունքները հավանաբար վաղը հայտնի կլինեն: Միևնույն ժամանակ, ՌԴ Առողջապահության նախարարության հաղորդմամբ, հետազոտությունը կարող է տևել մի քանի օր:

Հիշեցնենք՝ Չինաստանում թոքաբորբի նոր տեսակի մասին հայտարարվել էր դեկտեմբերի վերջին: Օջախը, ինչպես պարզվել էր, Յուհանի ծովամթերքի շուկան էր: Հունվարի 23-ի դրությամբ հիվանդության հետևանքով մահացածների թիվը հասել է 17-ի, 570-ը վարակված են: Հիմնական ախտանիշը բարձր ջերմությունն է և հազը: Հիվանդների թիվը պարբերաբար թարմացվում է:
Չինաստանի Առողջապահության ազգային հանձնաժողովի փոխնախարար Լի Բինի խոսքով՝ վարակը փոխանցվում է հիմնականում շնչուղիներով: Նա նշել է, որ հետագա տարածման վտանգ կա. օդանավակայաններում, կայարաններում, նավահանգիստներում ստուգվել է ուղևորների ջերմությունը:

ՌԴ Սպառողների իրավունքների պաշտպանության տեսչական մարմնի ղեկավար Աննա Պոպովան հայտարարել է, որ ռուս գիտնականները ներկայումս պատվաստանյութ են մշակում կորոնավիրուսի նոր տեսակի դեմ: Սակայն հաղորդվել է նաև, որ այդ աշխատանքները կարող են ամիսներ տևել: Իշխանությունները համատարած ստուգումներ են ձեռնարկել. մեծ ուշադրություն է դարձվում Ասիայից ժամանածներին:


Պոպովան նշել է, որ մշակվել է թեստային համակարգ: Սահմանային 200 և ավելի անցակետերում հսկողությունն ուժեղացվել է:
UPD. Ավելի ուշ տեղեկություն հաղորդվեց, որ երկու հոսպիտալացվածների մոտ էլ նախնական տվյալներով 2019-nCoV կորոնավիրուս չի հայտնաբերվել: Ախտորոշումը սուր շնչառական վարակ է:
Ս.Պետերբուրգի Առողջապահության կոմիտեի ղեկավարը հայտնել է, որ հիվանդների վիճակը միջին ծանրության է: Նրա խոսքով՝ հետազոտական աշխատանքները շարունակվում են, կենսաբանական նյութն ուղարկվել է վարակաբանական արտոնագրված լաբորատորիա:
Չինաստանի իշխանությունները հունվարի 23-ին Յուհանի շուրջ 11 միլիոն բնակիչներին արգելել են լքել քաղաքը: Օդանավակայանները, կայարանները, մետրոն ժամանակավորապես կփակվեն, հասարակական տրանսպորտը նույնպես կդադարեցնի իր աշխատանքները:
Հյուսիսատլանտյան հարթ կետերի հետազոտությամբ զբաղվող կոնսորցիումը 2025 թվականի համար գնահատել է այս տեսակի թվաքանակը մոտ 382 կենդանի։ Նոյեմբերի 16-ին հրապարակված գնահատականը 1,8 տոկոսով ցածր է 2024 թվականի վերանայված ցուցանիշից։
Դանիայի Սեյերո կղզում թաղված տղամարդը մանկության տարիներին հիմնականում սնվել է ծովից ստացած մթերքներով։ Նրա ատամների վերլուծությունը ցույց է տվել, որ պատանեկությունից սկսած նա ավելի շատ ցամաքային սնունդ է օգտագործել՝ այն ժամանակ, երբ տարածաշրջանում արդեն հայտնվել էին առաջին երկրագործները։
Մոնղոլիայի նախագահ Ուխնաագիյն Խուրելսուխը նոյեմբերի 17-ին հայտարարել է, որ մտադիր է հեռանալ պաշտոնից։ Նա հերքել է պետական երկաթուղու նախագծից անձնական օգուտ ստանալու մեղադրանքը։ Հրաժարականը պետք է հաստատի խորհրդարանը։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
ԱՄՆ ռազմաօդային ուժերի երկու F-15EX Eagle II կործանիչ նոյեմբերի 15-ին վայրէջք են կատարել Օկինավայի Կադենա ավիաբազայում։ Սա ԱՄՆ-ից դուրս առաջին ավիաբազան է, որտեղ այդ կործանիչները կտեղակայվեն մշտապես։
Եվրոպական տիեզերական գործակալությունը նոյեմբերի 12-ին բաց հասանելիությամբ հրապարակել է «Էվկլիդ» տիեզերական աստղադիտակի մոտ 13 ամսվա դիտումների տվյալները։ Դրանք աստղագետներին կօգնեն կազմել Տիեզերքի եռաչափ քարտեզ և ուսումնասիրել մութ նյութի բաշխումը։
Սոլքի ինստիտուտի հետազոտողները մշակել են մեթոդ, որը նույն բջջում ցույց է տալիս թե՛ ԴՆԹ-ի խմբագրման արդյունքը, թե՛ գեների ակտիվության փոփոխությունները։ Մարդու լաբորատոր բջիջների մի խմբում մեթոդը հայտնաբերել է խմբագրման 43 տեղամաս, որոնցից 36-ը նախատեսված թիրախներից դուրս էին։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա