Ադրբեջանական կողմը կրակ է բացել Գեղարքունիքի մարզի սահմանային հատվածում տեղակայված հայկական դիրքերի ուղղությամբ։ ՊՆ հաղորդմամբ` հայկական կողմից փոխհրաձգության արդյունքում տուժողներ չկան։

Ամերիկացի գիտնականների ստեղծած լյարդի նմուշները 30 օր «ապրել» և բնականոն գործել են լաբորատոր պայմաններում: Այժմ դրանք տեղափոխվելու են տիեզերք` տիեզերական պայմանների ու ռադիացիայի նկատմամբ դիմացկունությունը ստուգելու:

Հաղորդվում է, որ ապօրինի գույքի բռնագանձման մասին օրենքն առաջին անգամ գործի է դրվել: Վլադիմիր Գասպարյանին և նրա հետ կապված անձանց պատկանող 4 առանձնատուն է բռնագանձվել, 2 բնակարան, 3 հողակտոր, 4 մեքենա, 1 ավտոտնակ: Սերոբ Հարությունյանը և նրա «զինակիցները» զրկվել են 2 բնակարանից, Հյուսիսային պողոտայի 2 կայանատեղիներից, 1 մեքենայից և 1 անշարժ գույքից:

Կուսակցություններից մեկի Գավառի տարածքային գրասենյակի ղեկավար Ա. Ա.-ն ընտրողներին կաշառք տալու համար նույն գրասենյակի քարտուղար Ս. Զ.-ի՝ Գավառ քաղաքում գտնվող բնակարան է տեղափոխել շուրջ 80 փաթեթ սննդամթերք՝ հանձնարարելով նրան ըստ ցուցակի բաժանել ընտրողներին:

Ադրբեջանական կողմն ընդունել է, որ Արթուր Քաթանյանը դիվերսանտ չէ և Բերձորի հատվածում ադրբեջանական վերահսկողության ներքո գտնվող տարածքում ականապատման աշխատանքներ չի իրականացրել: Նշվում է, որ հայ զինծառայողն իսկապես մոլորվել է:

Ֆրանսիայի նախագահ Էմանուել Մակրոնը քաղաքացիների հետ հանդիպման ժամանակ անհարմար իրավիճակում է հայտնվել` ապտակ ստանալով ներկաներից մեկի կողմից:

15-18 տարեկան պատանիները սովորելու են անօդաչու թռչող սարքեր նախագծել, պատրաստել, սպասարկել ու կառավարել: «Արմաթն օդում» ԱԹՍ-ների աշխատանոցների կրթական ծրագրում ընդգրկված են ինչպես պտուտակավոր, այնպես էլ` թևավոր ԱԹՍ-ներ։

Հաղորդվում է, որ ներկայացված դիմումներն անցյալ շաբաթ համապատասխան միջնորդագրերով ուղարկվել են վարչապետի աշխատակազմ:

Թուրք-վրացական բանակցություններից հետո հայտարարվել էր, որ Թուրքիան մտադիր է իր հովանու ներքո միավորել հարավկովկասյան բոլոր երեք պետություններին, այդ թվում` Հայաստանին: Էրդողանը, մասնավորապես, նշել էր, որ Թուրքիան պատրաստ է աջակցել Վրաստանի, Հայաստանի և Ադրբեջանի միջև համագործակցությանը:

Նշվում է, որ նրա պաշտոնական աշխատավարձը շատ ավելի ցածր է, քան նախկին` դերասանական հոնորարները: Քաղաքապետը նույնիսկ ստիպված է եղել վաճառել Չեխիայի իր սեփականությունը:

Չնայած թուրքական իշխանությունների խոչընդոտներին` քրդական շարժման մասնակիցները միջոցառումներ են կազմակերպում տարբեր նահանգներում. հունիսի 7-ին հավաքվելու են Դիարբեքիրում: Նրանք պահանջում են քրդերենը պաշտոնական լեզու հռչակել իշխանության բոլոր մարմիններում և դարձնել ուսուցման լեզու բոլոր բուհերում:

Հունիսի 6-13-ը Ֆիլիպ Ռիքերը Երևանում և Բաքվում քննարկելու է Լեռնային Ղարաբաղի հակամարտության հետ կապված հարցերը, իսկ Թբիլիսիում` «Ռուսաստանի կողմից ագրեսիայի և վրացական տարածքների օկուպացման» խնդիրը:

Հավանական գերիների, նրանց ընտանիքների անդամների իրավունքները պաշտպանելու նպատակով տեսանյութերում պատկերված անձանց և/կամ տեղանքը ճանաչողներին խնդրում ենք կապ հաստատել Սիրանուշ Սահակյանի կամ Արտակ Զեյնալյանի հետ (Սիրանուշ Սահակյան` + 374 94 907002, Արտակ Զեյնալյան` + 374 91 193526):

Գեներալ-գնդապետ Ալեքսանդր Ֆոմինի խոսքով` համաշխարհային անվտանգության սպառնալիք է նոր զինատեսակների ի հայտ գալը, որոնք արմատապես փոխում են ուժերի դասավորությունը: Գեներալը շեշտում է, որ սպառազինության մրցակցությունը մուտք է գործում նաև տիեզերք ու կիբերտարածություն, ինչը հանգեցնելու է պատերազմի վարման սկզբունքների և մեթոդների փոփոխության:

Հուլիսի 15-ից սեպտեմբերի 15-ն ընկած ժամանակահատվածում օդանավակայանում իրականացվելու են պլանային վերանորոգման աշխատանքներ: Մասնավորապես, իրականացվելու է վազքուղու ամբողջական նորոգում:

Հայաստանում անցկացվելիք ՀԱՊԿ զորավարժությանը ներգրավելու են զրահատեխնիկա, հատուկ ավտոտրանսպորտ, ավիացիա, անօդաչու թռչող սարքեր, ծառայողական-հետախուզական շներ:

ԱՄՆ պաշտպանության նախարարության բարձրաստիճան պաշտոնյան հայտարարել է, որ Ռուսաստանի և Չինաստանի հետ անվտանգության ոլորտում համագործակցել ցանկացող մերձավորարևելյան երկրների ցանկությունը կարող է վտանգել նրանց ինքնիշխանությունը:

Պատերազմի ընթացքում ադրբեջանական զինված ուժերի առաջխաղացումը հեշտացնելու համար նախապես ճանապարհ հարթելու, Արցախի սահմանների պաշտպանությունն իրականացնող անձանց կողմից մարտական դիրքերը լքելը կազմակերպելու ենթադրյալ հանցավոր արարքների կապակցությամբ Քննչական կոմիտեն հետաքննություն է իրականացնում:

ԵԱՏՄ ինստիտուտի տնօրեն Վլադիմիր Լեպեխինի համոզմամբ` նախընտրական շրջանը Հայաստանի համար լավ հնարավորություն է ռուսամետ և բոլոր առողջ ուժերի միավորման համար, օրինակ` «Նոր ուժեղ Հայաստան» կոալիցիայի շուրջ:

Աշխարհում առաջին անգամ թռչնագրիպով վարակված մարդու հետ շփում ունեցածները գտնվում են բժիշկների վերահսկողության ներքո: Նրանց մոտ հիվանդություն դեռ չի հայտնաբերվել: