«Մուստաֆա Քեմալ Աթաթուրք-2021» անունը կրող վարժանքները կանցկացվեն Բաքվում` հունիսի 28-30-ը: Դրանց մասնակցում են շուրջ 600 զինծառայողներ, մոտ 40 տանկեր, այլ զրահատեխնիկա, հրետանային զինատեսակներ, նռնականետեր, 7 միավոր ռազմատրանսպորտային ուղղաթիռներ, տարբեր նշանակության 3 անօդաչու թռչող սարքեր և այլն:

ԵԱՏՄ ինստիտուտի տնօրենի խոսքով` Մոսկվան չունի Կովկասի և Կենտրոնական Ասիայի դեմ թուրքական վտանգավոր էքսպանսիային դիմագրավելու հստակ և խիստ դիրքորոշում:

Վլադիմիր Ռուժանսկին համոզված է, որ Հայաստանին վերաբերող բոլոր հարցերում Ռուսաստանը լրջագույն զիջումների է գնում: Թուրքիայի հետ մտերմացումը ձեռնտու է ռուսական էլիտայի այնպիսի կարկառուն ներկայացուցիչների համար, ինչպիսիք են Արազ Աղալարովը, Գոդ Նիսանովը, Զախար Ալիևը և այլն: Սակայն Թուրքիան, պատմաբանի խոսքով, «շատ վտանգավոր թշնամի է»:

Հավանական է համարվում, որ խոսքը «Կովկասյան արծիվ» զորավարժության մասին է, որին այս տարի Վրաստանի փոխարեն կմասնակցի Պակիստանը:

«Ուկրաինայի պատմության 100 լավագույն ֆիլմերի վարկանիշ» նախագծի շնորհանդեսում լավագույն ֆիլմ է ճանաչվել հանրահայտ ռեժիսոր Սերգեյ Փարաջանովի «Մոռացված նախնիների ստվերները» ժապավենը:

Հայաստանում Իրանի դեսպանության մշակույթի խորհրդականը հայտարարել է, որ բարձրագույն կրթություն ունեցող մարդկանց, գիտնականների, գիտակրթական և գիտահետազոտական կենտրոնների, այդ թվում՝ արևելագիտության և իրանագիտության հայաստանյան դպրոցների գործունեությունը շատ կարևոր դեր է խաղում հայ-իրանական հարաբերությունների զարգացման գործում:

Անօդաչու թռչող սարքերի արտադրության գործունեությունն իրականացնելու է «Արտեկ փովեր սիստեմա» ընկերությունը, որը Կառավարության որոշմամբ ներառվել է «Ալյանս» ազատ տնտեսական գոտու շահագործողների ռեեստրում:

Հունիսի 26-ից մինչև հուլիսի 1-ը հայկական պատվիրակությունը Մոսկվայում մասնակցելու է Հայաստանի Հանրապետության տարածքում ռուսաստանյան ռազմակայանի տեղակայման և գործառնման նպատակով հողատարածքների և անշարժ գույքի փոխանցման հայ-ռուսական միջպետական հանձնաժողովի 13-րդ նիստին:

Ռուսաստանի Անվտանգության խորհրդի քարտուղար Նիկոլայ Պատրուշևն ուշադրություն է հրավիրել այն հանգամանքի վրա, որ մի շարք երկրներում, որտեղ օտարերկրյա կենսալաբորատորիաներ են տեղակայված, տեղի են ունենում վտանգավոր հիվանդությունների բռնկումներ: Խոսքը միայն կորոնավիրուսի մասին չէ:

Հայաստանի տարածքում ռուսական ուղղաթիռի խոցման մեղավորներին դատելու փոխարեն` Բաքուն ՌԴ քաղաքացի Էդուարդ Դուբակովին մեղադրանք է առաջադրել «ահաբեկչություն, ահաբեկչության ֆինանսավորում», «հանցավոր համայնքին մասնակցություն» և «Ադրբեջանի պետական սահմանի ապօրինի հատում» հոդվածներով։

Իլոն Մասկի ընկերությունը նախատեսում է ընդհանուր առմամբ 10 մլրդ դոլար արժողությամբ թվով 12 հազար արբանյակներ տեղակայել երկնքում: Սպասվում է, որ սեպտեմբերին ամբողջ աշխարհը Starlink արբանյակների միջոցով կապահովվի անլար ինտերնետով:

Տիգրան Ավինյանը հայտարարել է, որ առաջիկայում բանակցությունների նոր փուլ է սպասվում ադրբեջանական զորքերը Հայաստանի տարածքից դուրս բերելու հարցի շուրջ:

Թուրքական Բայրաքթարները տեղակայվել են Նախիջևանում վերջերս պաշտոնապես բացված օդանավակայանում: Ադրբեջանցի զինվորականները դրանց կառավարման պատրաստությունը Թուրքիայում են անցել:

Ներկայումս Ռուսաստանն ու Թուրքիան տիեզերքի վերաբերյալ միջկառավարական համաձայնագիր են պատրաստում: Հաղորդվում է, որ համաձայնագիրը նախատեսվում է ստորագրել մինչև 2021թ.-ի ավարտը:

«Ռեալիստի» գլխավոր խմբագրի համոզմամբ` «Զանգեզուրի միջանցքն» աշխարհաքաղաքական «տուրք» է, որը Կրեմլը վճարում է Ռուսաստանի վրա չհարձակվելու երաշխիքի դիմաց: Նրա խոսքով` Արարատի մարզում ռուսական ուղղաթիռի խոցումն Անկարայի կողմից Մոսկվային ուղղված ուղիղ սպառնալիք է հենց այդ համատեքստում:

Էրդողանը շեշտել է, որ նախ Իլհամ Ալիևն այդ թեմայով պետք է խորհրդատվություններ անցկացնի Ռուսաստանի նախագահ Վլադիմիր Պուտնինի հետ, ինչից հետո իրականացվի ռազմաբազաների տեղակայումն Ադրբեջանում:

ԲՏԱ նախարարի պաշտոնակատարն ու «Ռոսկոսմոսի» տնօրենն անդրադարձել են տիեզերական գործունեության ոլորտի զարգացման համատեքստում Հայաստանում ռուսական ընկերությունների առաջխաղացման և մի շարք այլ հարցերի։ Չոբանյանը շեշտել է, որ տիեզերքի բնագավառում գործունեություն ծավալողների համար ՀՀ օրենսդրությամբ հարկային արտոնություններ են սահմանված:

Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:

Պապիկյանի խոսքով` հուլիսին Սիսիան-Քաջարան-Ագարակ ճանապարհի շինարարության տենդեր է հայտարարվելու: Հյուսիս-հարավ ավտոճանապարհի այս հատվածում կառուցվելու են թունելներ, որոնցով հնարավոր կլինի Սիսիանից դուրս գալ անմիջապես Քաջարան, ապա` Ագարակ և Իրանի սահման:

Էրդողանը նշել է, թե «հուսադրող գործընթացն» ավելի խորությամբ կընթանա, եթե Ադրբեջանն ու Հայաստանը հեռանկարային խաղաղ համաձայնություն կնքեն: Խաղաղության դիմաց Էրդողանը Հայաստանին առաջարկում է միջանցք տրամադրել և Արցախը ճանաչել որպես Ադրբեջանի մաս: