Ռազմական ճանապարհով խնդրի լուծումը կարող է վարակիչ դառնալ, մինչդեռ աշխարհում սառեցված հակամարտությունները բազմաթիվ են` Եվրոպայից մինչև Ճապոնիա (Արևելյան Պրուսիա, Կալինինգրադ, Մերձդնեստր, Թայվան, Կուրիլներ և այլն): Ղրիմի ու Դոնբասի դեպքում «արցախյան դիպաշարի» կրկնությունը կարող է արթնացնել դրանք:

Մարտի 30-ի դրությամբ Հայաստանի ամենամեծ ջրամբարը՝ Ախուրյանը, 116 մլն խմ-ով ավելի պակաս է, քան նախորդ տարվա նույն ժամանակահատվածում։ Մինչդեռ Թուրքիան ջրամբարներ է կառուցում, ջուրը Հայաստանից հոսում է դեպի Ադրբեջան, իսկ Ջողազի ջրամբարից օգտվում են միայն ադրբեջանցիները։

Թուրքիայի պաշտոնական ներկայացուցիչ Իբրահիմ Քալընը հանդիպել է ԱՄՆ-ի նախագահի` անվտանգության հարցերով խորհրդական Ջեք Սալիվանի հետ: Հանդիպման նպատակը եղել է Թուրքիայի կողմից Հայոց ցեղասպանության վերաբերյալ 4 կետերից բաղկացած դիրքորոշման ներկայացումը:

Հրթիռի մնացորդները հայտնաբերվել են Շուշիում: Ադրբեջանի ականազերծման գործակալությունը պարզել է, 9M723 համարը կրող հրթիռը, որի մնացորդները հայտնաբերվել են, «Իսկանդեր» համալիրների հրթիռ է:

Իսրայելի ԱԱԾ-ի տվյալներով` Բաքվում գտնվող ահաբեկչական խմբավորումները մտադիր են Ադրբեջանում ահաբեկչական գործողություններ իրականացնել: Վտանգը մեծ է, որ դրանք կարող են իրականցվել հրեական օբյեկտների վրա:

Համարվում է, որ AstraZeneca ընկերությունը ձանձրացել է կորոնավիրուսի դեմ իր պատվաստանյութի մասին քննարկումներից ու քննադատություններից, այդ պատճառով որոշել են հարցը լուծել` անունը փոխելով: Այսուհետ այն կկոչվի Vaxzevria:

Գրքում նկարագրվել են 1915թ. օսմանյան ուժերի կողմից Մեդինայի արաբ բնակչության նկատմամբ իրականացված վայրագությունները: Արաբ պատմաբանի խոսքով` թուրքերն նույն կերպ վարվել են նաև հայերի հետ` իրականացնելով Հայոց ցեղասպանությունը:

Հարցադրում է հնչում. «Արդյո՞ք նախորդ 2500 տարիների տառապանքները, հավատը, արարչագործությունները, էներգետիկան ու ձեռքբերումներն ի չիք կդառնան գլոբալ ժողովրդագրական ծանր պայմաններում»: Նշվում է, որ դա բացառելու և մեծ ընտանիքներ ունենալու ցանկությունը հայերի մոտ վերարժևորելու համար անհրաժեշտ է ավելին, քան պետական փոխհատուցումներն են:

Պատերազմի օրերին կատարվել են ավելի քան 5 հազար վիրահատական միջամտություններ, այդ թվում` 500-ն ընդհանուր անզգայացման ներքո: Վիրավորումների 55 %-ը թեթև են եղել, 35 %-ը՝ միջին ծանրության, 7 %ը՝ ծանր, 2 %-ը՝ ծայրահեղ ծանր: Հաշմանդամություն ունեցողների թիվը ներկայումս 885 է։

Երեք երկրների փորձագետները հաշվի են առնելու 2020թ. դեպքերը, որոնք դեռևս մեծ վտանգներ են պարունակում: Նշվում է, որ արևմտյան արժեքների պարտադրումը, ֆինանսատնտեսական պայմանները, ներքին պառակտիչ գործունեությանն աջակցությունը, ռուսատյացության թեժացումը ԱՊՀ երկրների և, ի վերջո, Ռուսաստանի դեմ կործանարար գործողությունների ամբողջ ծավալը չեն:

Հայտարարվել է, որ Սու-30ՍՄ-ներն առանց հրթիռների են ձեռք բերվել. այդ դեպքում` ի՞նչ հրթիռներ են լուսանկարներում, ինչո՞ւ է հայտարարվել, թե հրթիռներ ձեռք չեն բերվել: Շեշտենք, որ լուսանկարներն արվել են 2020թ. հոկտեմբերին:

Ռուսաստանի, Հայաստանի Ադրբեջանի արտաքին գործերի նախարարները կհանդիպեն ապրիլի 2-ին` ԱՊՀ ԱԳ նախարարների խորհրդի շրջանակներում:

Հայաստանի և Իրաքի պաշտպանության նախարարները պաշտպանության բնագավառում համագործակցության մասին մտադրությունների վերաբերյալ համաձայնություն են ստորագրել: Սահմանվել են փոխադարձ հետաքրքրություն ներկայացնող համագործակցության 13 ոլորտներ: Կարևորվել են ռազմատեխնիկական համագործակցության, փորձի փոխանակման, կանոնավոր ռազմաքաղաքական խորհրդակցությունների հնարավորությունները:

BBC-ի լրագրողը փորձել է նկարահանել Սուրբ Մարիամ Աստվածածին եկեղեցին, որի պղծման մասին փաստող տեսանյութ ադրբեջանցի զինվորներն ավելի վաղ հրապարակել էին, սակայն տեղում եկեղեցին չի գտել:

Նշվում է, որ զինտեխնիկայի տեղափոխման նպատակը Հայաստանի Սյունիքի մարզում գործողություններն են: Իրանական աղբյուրը շեշտում է, որ լայնամասշտաբ պատերազմը կանխելու նպատակով անհրաժեշտ է իրանական զինուժն անհապաղ տեղակայել հայ-նախիջևանյան սահմանի երկայնքով:

ՀՀ պաշտպանության նախարարը և ՌԴ ԶՈՒ ԳՇ պետը պայմանավորվել են օրակարգային հարցերի վերաբերյալ առավել հանգամանալից քննարկումների նպատակով առաջիկայում կազմակերպել Ռուսաստանի բարձրաստիճան պատվիրակության այցը Հայաստան:

Գերիների շահերի ներկայացուցիչ Սիրանուշ Սահակյանի խոսքով` մոտ 200 գերիների վերադարձման դիմաց առաջ քաշված պայմաններն են` ՀՀ զինված ուժերի դուրսբերումն Արցախի տարածքից, Տիգրանաշենի հանձնումը, Կարմիր Շուկա ավտոճանապարհի նկատմամբ վերահսկողությունը:

Ավստրալացի գիտնականները հետազոտել են առողջության վրա 5G ռադիոալիքների ազդեցության հարյուրավոր փորձարկումներ, սակայն ապացուցված վնասակար երևույթներ չեն հայտնաբերվել։

Վրացի փորձագետ Նիկոլոզ Մժավանաձեն լուսանկար է հրապարակել` ահազանգելով, որ Ադրբեջանը ոչնչացնում է իր տարածքում գտնվող քրիստոնեական պատմական հուշարձանները: Վրաստանի պաշտոնական շրջանակները, սակայն, ոչ մի կերպ չեն արձագանքում Բաքվի բացահայտ թշնամական գործողություններին:

Հաղորդվում է, որ Արցախում մնալու են միայն այն ստորաբաժանումները, որոնք կազմված են տեղի բնակիչներից: Հայաստանի ժամկետային զինծառայողներին այլևս ծառայության չեն ուղարկելու Արցախ: