Հրապարակվել է դիմակը դրած վիճակում Face ID-ն կարգավորելու ուղեցույցը — Շեշտ.am (shesht.am)
4 րոպե
Խմբագրություն

Հրապարակվել է դիմակը դրած վիճակում Face ID-ն կարգավորելու ուղեցույցը

Ուղեցույցում ներկայացված է, թե ինչպես պետք է Face ID-ով ապաարգելափակվող սմարթֆոնին սովորեցնել ճանաչել տիրոջը, երբ նա դիմակով է:

Բազմաթիվ մարդիկ կարծում են, թե Face ID սկաները, որով կարելի է Apple սմարթֆոններով դեմքով ճանաչել հեռախոսի տիրոջը, դիմակ կրելու դեպքում անօգուտ է: Սակայն գաջեթը կարող է սովորել ճանաչել ձեզ, նույնիսկ երբ դեմքի մի մասը փակ է: Ի՞նչ պետք է անել այդ դեպքում.

  • Մուտք գործել կարգավորումներ (Settings) > «Face ID և կոդ-գաղտնաբառ»,
  • Ապա ընտրել «Կարգավորել այլընտրանքային արտաքին տեսքը» գործառույթը և զրոյից կարգավորել Face ID-ն՝ նախապես զրոյացնելով այն,
  • Վերցնել դիմակը, ծալել և մասամբ փակել դեմքը,
  • Եթե էկրանին հայտնվում է հաղորդագրություն, որ դեմքն ինչ-որ բանով ծածկված է (Face obstructed), ապա դիմակը հետզհետե հեռացրեք դեմքի կենտրոնից,
  • Ինչ-որ պահի սմարթֆոնը խնդրելու է գլուխը շրջանաձև շարժել, մինչև էկրանի վրա շրջանն ամբողջանա,
  • Կիսով չափ ծալված դիմակով երկու անգամ սկանավորեք դեմքը:

Եթե ամեն ինչ ճիշտ եք արել, ապա էկրանի վրա նշվում է, որ Face ID-ն կարգավորված է:

Face ID-ի կարգավորումն՝ ըստ քայլերի / © 9to5Mac

Նշված գործառույթն իրականացնելուց հետո դրեք դիմակն ամբողջությամբ և այդ կերպ փորձեք ապաարգելափակել iPhone-ը: Չի՞ ստացվում: Անհրաժեշտ է հավելյալ կարգավորումներ կատարել:

  • Կրկին վերադարձեք «Կարգավորումներին» («Settings») > «Face ID և կոդ-գաղտնաբառ» և ընտրեք «Կարգավորել այլընտրանքային արտաքին տեսքը»,
  • Ծալեք դիմակը և ծածկեք դեմքի այն հատվածը, որը չեք արել վերոնշյալ տարբերակում,
  • Կրկնակի սկանավորեք կիսով չափ ծածկված դեմքը՝ ինչպես նախորդ անգամ,
  • Դիմակն ամբողջությամբ դրեք և փորձարկեք Face ID-ի աշխատանքը. պետք է որ հաջողվի:
Այժմ iPhone-ը ճանաչում է նույնիսկ դիմակով / © 9to5Mac

Հաղորդվում է, որ 9to5Mac հարթակի լրագրողներին հաջողվել է Face ID-ին սովորեցնել ճանաչել դիմակներով մարդկանց: Ուղեցույցի հեղինակներն անհատական պաշտպանության այլ միջոցներ (վահան-դիմակներ) կրողներին խնդրել են դրանցով փորձել կարգավորել հավելվածը և կիսվել իրենց փորձով:

Face ID-ի աշխատանքը դիմակով դեմքի ստորին հատվածը ծածկելով գործելը չի հակասում նրան, ինչ նշել են Apple-ում: Վերջինիս ներկայացուցիչները հայտարարել են, որ Face ID-ն նախատեսված է տեսանելի աչքերի, քթի և բերանի համար. օգտատերերը կարող են նախկինի նման ապաարգելափակել իրենց սարքավորումները՝ դիմակ կրելով:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.