Հայաստանում կորոնավիրուսով վարակվածների թիվն ավելացել է 16-ով (upd.)

Covid-19 կորոնավիրուսից մահացության մեկ նոր դեպք է գրանցվել Հայաստանում: Մեկ օրվա ընթացքում առողջացել է 11 մարդ: Վարակվածների ընդհանուր թիվը հասել է 937-ի: Եվս 3 վարակված Արցախում են:

Նորություններ

# COVID-19

# առողջապահություն

# Հայաստան

ԶՈՒ-ում վարակվածները 6-ն են / © ՀՀ ՊՆ / Հեղինակ՝ անհայտ, լուսանկարը տրամադրել է օգտատերը

ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի հաղորդմամբ՝ նոր տեսակի կորոնավիրուսով վարակվածների թիվը Հայաստանում ավելացել է 16-ով՝ դառնալով ընդհանուր 937: Նրանցից փաստացի բուժում ստացողները 777-ն են:

Մեկ օրում առողջացել է 11 մարդ: Առողջացածների ընդհանուր թիվը հասել է 149-ի: Մահվան նոր դեպք է գրանցվել. մահացածների ընդհանուր թիվը դարձել է 11:

Մահվան դեպքը գրանցվել է «Սուրբ Գրիգոր Լուսավորիչ» բժշկական կենտրոնում. 72-ամյա պացիենտն ունեցել է կորոնավիրուսային հիվանդություն, հաստատված երկկողմանի թոքաբորբ։

https://www.facebook.com/alina.nikoghosyan/posts/2492087994226312

Բացի այդ, տղամարդն ունեցել է ուղեկցող խրոնիկ հիվանդություններ՝ զարկերակային գերճնշում, շագանակագեղձի ադենոմա։

UPD. Նախարար Արսեն Թորոսյանը ԱԺ Առողջապահության և սոցիալական հարցերի մշտական հանձնաժողովի նիստի ժամանակ հայտնել է, որ առավոտյան կորոնավիրուսով վարակված ևս 1 քաղաքացի է մահացել: Այդ մասին, ըստ Թորոսյանի, պաշտոնապես չի հայտարարվել. կներառվի ապրիլի 11-ի տեղեկատվությունում:

https://www.facebook.com/azatutyun/videos/513119456026910/

Այսպիսով՝ Հայաստանում կորոնավիրուսից մահացածների թիվը դարձել է 12:

Վրիպա՞կ գտաք։ Նշեք հատվածը և սեղմեք Ctrl + Enter։