Սոցիալական հեռավորության և դեմքի պաշտպանության նշանակության վերաբերյալ մանրամասն հետազոտություն է հրապարակվել
Գիտնականները Covid-19-ից պաշտպանվելու առավել հասարակ միջոցների արդյունավետության մասին ընդհանրական տեղեկություններ են ներկայացրել, որոնք վերաբերում են կտորե դիմակներին, պաշտպանիչ ակնոցներին ու մարդկանց միջև սոցիալական հեռավորության պահպանմանը:
Ծավալուն հետազոտություն է հրապարակվել, որտեղ հավաքված են 172 ուսումնասիրությունների տվյալները կորոնավիրուսային վարակի տարածման վերաբերյալ: Դրանցում դիտարկվել է նաև, թե ինչպես են ֆիզիկական հեռավորության պահպանումը, կտորե դիմակները և աչքերի պաշտպանությունը նվազեցնում վիրուսների տարածման ինտենսիվությունը:
Բազմաթիվ երկրներ և նրանց առանձին շրջաններ Covid-19-ի համավարակի ժամանակ հրապարակել են վարակից պաշտպանվելու խորհուրդներ: Վերջիններս հաճախ հակասական են: Բացի այդ՝ էականորեն տարբերվում են մասնագետների տեսակետները դիմակներ ու պաշտպանիչ ակնոցներ կրելու վերաբերյալ:
Հետազոտության հեղինակներից Հոլգեր Շյունեմանը նշել է, որ իրենց աշխատանքն առաջինն է, որում ընդհանրացված է Covid-19-ի, SARS-ի ու MERS-ի վերաբերյալ ամբողջ տեղեկատվությունը և ներկայացված են վարակվելու հավանականության նվազեցման նպատակով հասարակ միջոցառումների օգտագործման վերաբերյալ ներկայումս առկա փաստացի տվյալներից լավագույնները: Նրա խոսքով՝ կառավարություններն ու առողջապահական հասարակական կազմակերպությունները կարող են այդ տվյալներն օգտագործել՝ հստակ խորհրդատվություն տրամադրելու նպատակով:
Հետազոտությունը ցույց է տալիս, որ 1 մետրից ավելի հեռավորության պահպանումը պայմանավորում է վարակվելու առավել ցածր վտանգ (2,6%՝ ընդդեմ վարակված մարդուց մինչև 1 մետր հեռավորության վրա գտնվելու): Սակայն տարածության հետագա մեծացումը նույնպես կարևոր է. մոդելավորումը ցույց է տվել, որ յուրաքանչյուր հավելյալ մետրի համար (մինչև 3 մետր հեռավորության պարագայում) վարակվելու հավանականությունը կրկնակի նվազում է:
Երեք վիրուսների (SARS-CoV, MERS-CoV, SARS-CoV-2) հետազոտությունն աչքերի պաշտպանության առումով ցույց է տալիս, որ պաշտպանիչ ակնոցները նույնպես նպաստում են վարակվելու հավանականության նվազմանը. 5,5%՝ դրանց բացակայության դեպքում առկա վտանգի 16%-ի փոխարեն: Նույնատիպ պատկեր է դիտարկվել նաև դիմակների դեպքում. մարդուց մարդուն վարակի փոխանցվելու հավանականությունն ընդամենը 3,1% է՝ դիմակ կրելու դեպքում, իսկ բաց դեմքի պարագայում` 17,4%:
Հետազոտության հեղինակներն ընդգծում են, որ իրենց կողմից ուսումնասիրված աշխատանքներից շատերը հիմնված են ցածր արժանահավատության վրա կամ տրամադրում են երկու մարդու շփման արդյունքում տեղի ունեցողի միայն մոտավոր պատկերը: Դա վերաբերում է դիմակ և պաշտպանիչ ակնոց կրելուն: Նաև չկա աշխատություն, որը կորոշեր, թե 2 մետրից ավելի հեռավորություն պահպանելու դեպքում որքանով է նվազում վարակվելու հավանականությունը:
Գիտնականները շեշտում են, որ իշխանությունները պետք է լուծեն դիմակների և այլ պաշտպանիչ միջոցների հասանելիության հարցը բոլոր խավերի համար: Սակայն այդպիսի պաշտպանությունը ոչ մի կերպ չպետք է դիտարկել որպես հիգիենան պահպանելու փոխարեն տրվող խորհուրդ. անհրաժեշտ է շարունակել ձեռքերն ու դեմքը լվանալ օճառով:
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Հայաստանում բենզինը կրկին թանկացել է․ ԱԻ-92 տեսակի մեկ լիտրի գինը հասել է 600 դրամի, իսկ ԱԻ-95-ինը՝ 620 դրամի։ Որոշ միջազգային ցանցերում գներն ավելի բարձր են, սակայն առանձին առաջարկներով վառելիքը կարելի է գնել նաև ավելի էժան։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները