Խոշտանգմամբ ցուցմունքի կորզման տեսանյութի 3 մասնակիցների ինքնությունը պարզվել է
Տեսագրությունն արվել է 2008-2010թթ. ընթացքում. տեսանյութում երևացող աշխատակիցները ոստիկանության Արաբկիրի բաժնում համատեղ են ծառայել:
Օրերս լրատվական կայքերից մեկում տեսանյութ էր հրապարակվել, որտեղ ոստիկանները մահակներով և հակագազով խոշտանգելով ցուցմունք էին կորզում: Այդ կապակցությամբ քրեական գործ է հարուցվել, որը փոխանցվել է Հատուկ քննչական ծառայություն:
ՀՀ Ոստիկանությունը պարզաբանում է հրապարակել՝ կապված ոստիկանների կողմից բռնի ուժի կիրառմամն ցուցմունք կորզելու տեսանյութի հետ: Հաղորդագրության մեջ նվում է, որ «NewsMedia.am» լրատվական կայքում հրապարակված տեսանյութի կապակցությամբ ոստիկանության ներքին անվտանգության վարչությունում իրականացվող ծառայողական քննության շրջանակներում տեղեկություններ են ձեռք բերվել տեսանյութում երևացող անձանցից երեքի ինքնության վերաբերյալ։
Հաղորդվում է, որ նրանցից մեկի լիազորությունները կասեցվել են, իսկ երկուսը ոստիկանության նախկին ծառայողներ են։ Պարզվել է նաև, որ տեսագրությունն արվել է շուրջ տասը տարի առաջ, քանի որ հիշյալ աշխատակիցները նույն ստորաբաժանումում՝ ոստիկանության Արաբկիրի բաժնում, համատեղ ծառայել են այդ ժամանակ։ Երեք անձանցից երկուսն արդեն հրավիրվել են ոստիկանության ներքին անվտանգության վարչություն։
Հավելենք նաև, որ Հատուկ քննչական ծառայության պետ Սասուն Խաչատրյանի խոսքով՝ նախնական տվյալներով դեպքը տեղի է ունեցել 2008-2010թթ. ընթացքում: Այն հարցադրմանը, որ խոշտանգման հոդվածի շրջանակներում չի հարուցվել քրգործը, նա պատասխանել է, որ այդ ժամանակ հոդվածը դեռ ընդունված չի եղել, ուստի մեծ ցանկության դեպքում նույնիսկ հնարավոր չէր այդ հոդվածով քրեական գործ հարուցել:
Ավելի վաղ հաղորդվել էր, որ տեսանյութի շրջանակներում իրականացվող ծառայողական քննության շրջանակներում ոստիկանության պետի ժամանակավոր պաշտոնակատարի հրամանով ոստիկանության Ճամբարակի բաժնի պետ Նարեկ Սիմոնյանի լիազորությունները ժամանակավորապես դադարեցվել են:
Պատմական իրադարձություն. Սենատորը հուզվեց, իսկ քվեարկությունից մեկ ժամ առաջ Քիմ Քարդաշյանը կոչով դիմել էր իր հետևորդներին՝ զանգելու սենատորներին և պահանջելու կողմ քվեարկել:
Կարմիր մոլորակի վրա հնարավոր կլինի վայրէջք կատարել Արկադիայի հարթավայրում, որտեղ ոչ մեծ խորության վրա առկա է ջրի սառույցի մեծ պաշար:
Քննադատներն ամիսներ առաջ անհնար էին համարում բյուջետային ավիաընկերությունների մուտքը Հայաստան, իսկ այժմ սպասվում է 2-րդի մուտքը: Դեկտեմբերի 16-ին կլինի պաշտոնական հայտարարությունը:
Մինչև 200 եվրո արժեքով և (կամ) 31 կգ անձնական օգտագործման պարագաների դեպքում սահմանված է 0 հարկ, իսկ գերազանցող մասը կհարկվի 15%-ով: Կվերացվի նաև հաճախականության սահմանափակումը. նախկին 1 ամսվա սահմանափակումը չի լինի:
Տուգանային միավորները կիրառվելու են սեփականատիրոջ կամ տվյալ մեքենայի շահագործման իրավունքն ունեցող վարորդի նկատմամբ: Առանց շահագործողի մեքենան չի հաշվառվի:
Մինչև 2022թ. հունվարի 1-ը բացառապես էլեկտրական շարժիչով ավտոմեքենայի, մոտոցիկլետի և հեծանիվի ներմուծումն ու օտարումն ազատված են ԱԱՀ-ից:
Շեշտ.am-ի դրոշն Արարատի գագաթին է. թե ինչպես այն հասավ ամենահայտնի և գեղեցիկ գագաթներից մեկը, և թե ինչու 5000 մետրից ավելի բարձրությունը հաղթահարելն այնքան էլ սարսափելի չէ:
Մինչև 200 եվրո արժեքով և (կամ) 31 կգ անձնական օգտագործման պարագաների դեպքում սահմանված է 0 հարկ, իսկ գերազանցող մասը կհարկվի 15%-ով: Կվերացվի նաև հաճախականության սահմանափակումը. նախկին 1 ամսվա սահմանափակումը չի լինի:
Ֆիլմը նկարահանվել է Հայաստանում՝ Արարատյան դաշտում և ուրարտական արքաների կառուցած քաղաքների տարածքում:
Մեկնաբանությունները