Գյումրիում ավտոմաքսատան կառուցման գումարը հատկացվեց
Ավտոմաքսատնից բացի՝ կկառուցվի նաեւ արտաքին տնտեսական գործունեության կենտրոն։
Գյումրիում ավտոմաքսատան և արտաքին տնտեսական գործունեության կենտրոնի կառուցման գործընթացը մեկնարկել է։
Դեռեւս ապրիլին Վարչապետ Նիկոլ Փաշինյանը հանձնարարել էր միջոցներ ձեռնարկել՝ ավտոմաքսատունը Գյումրի տեղափոխելու համար։
ՊԵԿ փոխնախագահ Շուշան Ներսիսյանն ավելի ուշ նշել էր, որ ավտոմաքսատունը Գյումրի տեղափոխելու դեպքում այնտեղ կապահովվեն անհրաժեշտ պայմանները՝ ավտոմեքենան արագ և հեշտ մաքսազերծելու և հաշվառելու համար:
ՊԵԿ փոխնախագահը հուլիսի 22-ին տեղեկացրել էր, որ հանձնարարականի առնչությամբ աշխատանքներն արդեն մեկնարկել են և մինչև տարեվերջ տեղափոխված կլինի Գյումրի։
Իսկ այսօր արդեն Գյումրիում ավտոմաքսատուն և արտաքին տնտեսական գործունեության կենտրոն կառուցելու համար Կառավարությունը Պետական եկամուտների կոմիտեին 181 մլն դրամ և 21,5 հա հող է հատկացրել։
Մեկնաբանությունները