ՌԴ ՊՆ պատվիրակությունը մեկնել է Թուրքիա` ինքնաթիռի կործանման հանգամանքները պարզելու
Անտառային հրդեհների մարման աշխատանքներին մասնակցող ՌԴ ՊՆ Բե-200 ինքնաթիռի կործանման հետևաքով անձնակազմի բոլոր անդամները` 5 ռուս զինծառայողներ և 3 թուրք ներկայացուցիչներ, զոհվել են:
Հիշեցնենք, որ ՌԴ պաշտպանության նախարարության Բե-200 «երկկենցաղ» ինքնաթիռը կործանվել էր Թուրքիայի հարավ-արևելքում` Քահրամանմարաշի տարածքում, անտառային հրդեհների մարման աշխատանքների ժամանակ: Անձնակազմի բոլոր անդամները` 5 ռուս զինծառայողներ և 3 թուրք ներկայացուցիչներ, զոհվել են:
Հայտնի է, որ ինքնաթիռն օդ էր բարձրացել Ադանայից և հրդեհաշիջման աշխատանքներ էր իրականացնում Ըլըջայի շրջանում: Տեղի ունեցածի պատճառները դեռևս անհայտ են: Ինչպես հաղորդվում է, դեպքի վայր են ուղևորվել Ռուսաստանի պաշտպանական գերատեսչության հանձնաժողովը և Անկարայում ՌԴ դեսպանության հյուպատոսական բաժնի աշխատակիցներ:
Ուշագրավ է, որ այս մոդելի ինքնաթիռ շահագործման պատմության մեջ առաջին անգամ է կործանվում: Ինքնաթիռը ստեղծվել էր 1990-ականներին: Թուրքիա էր տեղափոխվել հուլիսի 8-ին` Վլադիմիր Պուտինի հրամանով:
Մեկնաբանությունները