Թուրքական ռազմական ուղղաթիռ է կործանվել. «Բայրաքթարը» փորձարկած գեներալը զոհվել է

Թուրքիայի ԶՈՒ AS532 Cougar ռազմական ուղղաթիռը կործանման հետևանքով 9 մարդ է զոհվել, որոնցից մեկն 8-րդ բանակային կորպուսի հրամանատար, գեներալ-լեյտենանտ Օսման Էրբաշն է: Նա կանգնած է եղել «Բայրաքթարի» ստեղծման ակունքներում:

Նորություններ

# Զինված ուժեր

# Թուրքիա

# Ուղղաթիռներ

# Պատահարներ

Թուրքական ռազմական ուղղաթիռ է կործանվել / © AirCrashMayday / Հեղինակ՝ անհայտ, լուսանկարը տրամադրել է օգտատերը

Թուրքիայի արևելքում ռազմական ուղղաթիռ է կործանվել: Զինված ուժերի AS532 Cougar ուղղաթիռի կործանման հետևանքով 9 մարդ է զոհվել, ևս չորսը վիրավորվել են:

Հաղորդվում է, որ ուղղաթիռը կործանվել է լեռնային տեղանքում եղանակային բարդ պայմանների կամ տեխնիկական պատճառով:

Թուրքիայի ԶՈՒ ուղղաթիռն օդ էր բարձրացել Բինգյոլից` ուղևորվելով դեպի Դադվան: Նրա հետ կապի խզումից հետո որոնողական աշխատանքներ են սկսվել, կիրառվել են անօդաչուներ, ռազմատրանսպորտային CN-235 ինքնաթիռ:

Հայտնաբերումից հետո պարզվել է, որ զոհերից մեկը Թուրքիայի զինված ուժերի 8-րդ բանակային կորպուսի հրամանատար, գեներալ-լեյտենանտ Օսման Էրբաշն է:

Հաղորդվում է, որ թուրք գեներալը կանգնած է եղել «Բայրաքթարների» ստեղծման ակունքներում: Էրդողանի փեսան` ԱԹՍ արտադրող ընկերության ղեկավարը, նշել է, որ գեներալ Էրբաշի հետ ավելի քան 10 տարի ընկերություն է արել, միասին են փորձարկել անօդաչուները:

Թուրքիայում Էրբաշին համարել են այն մարտավարության հեղինակներից մեկը, որն օգնել է Ադրբեջանին և թուրքական ռազմական խորհրդականներին` Լեռնային Ղարաբաղի 2-րդ պատերազմում հաջողության հասնելու հարցում:

Հիշեցնենք, որ թուրքական բանակի նույն մոդելի ուղղաթիռ կործանվել էր նաև 2017թ.: Այն ժամանակ զոհվել էր 13 մարդ, որոնց թվում էին քրդերի դեմ պայքարող դիվիզիոնային գեներալ Այդողան Այդինը, ինչպես նաև ժանդարմերիայի առաջին կին հրամանատար, գեներալ-լեյտենանտ Սոնգյուլ Յաքութը:

Վրիպա՞կ գտաք։ Նշեք հատվածը և սեղմեք Ctrl + Enter։