Հակառակորդը հարձակման փորձ է ձեռնարկել. 3 պահեստազորայիններ վիրավորվել են (upd.)

Արցախի ՊԲ հաղորդմամբ՝ դեկտեմբերի 11-ին՝ ժամը 20:40-ի սահմաններում, ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ: Փոխհրաձգության հետևանքով հրազենային վիրավորումներ ստացած պահեստազորայինների կյանքին վտանգ չի սպառնում:

Նորություններ

# Արցախ

# Հայտարարություններ

# ՊԲ

Դիրքապահներ, Արցախ / © Karen Minasian, AFP / Հեղինակ՝ անհայտ, լուսանկարը տրամադրել է օգտատերը

Արցախի Պաշտպանության բանակը հայտարարություն է տարածել՝ հայտնելով, որ դեկտեմբերի 11-ին՝ ժամը 20:40-ի սահմաններում, ՊԲ հարավային ուղղությամբ տեղակայված մարտական դիրքերից մեկի ուղղությամբ հակառակորդը ձեռնարկել է հարձակման փորձ: Ծավալված փոխհրաձգության հետևանքով երեք պահեստազորայիններ տարբեր աստիճանների հրազենային վիրավորումներ են ստացել: Նշվում է, որ նրանց կյանքին վտանգ չի սպառնում:

Ավելի վաղ Ադրբեջանական լրատվամիջոցներում տեղեկատվություն էր տարածվել, ըստ որի Հադրութի հատվածում հայկական ուժերը դիմել էին զինված սադրանքի, ինչի արդյունքում մեկ ադրբեջանցի զինծառայող է վիրավորվել: Պաշտպանության բանակը հերքում է այստեղեկությունը:

Հաղորդվում է, որ դեպքի մանրամասները պարզելու համար կատարվում է քննություն:

UPD. Պաշտպանության նախարարությունը հայտնում է, որ դեկտեմբերի 12-ին ադրբեջանական կողմը վերսկսել է հարձակողական գործողությունները Արցախի Հին Թաղլար և Խծաբերդ բնակավայրերի ուղղությամբ. ՊԲ ստորաբաժանումները ձեռնարկում են համարժեք միջոցառումներ:

Վրիպա՞կ գտաք։ Նշեք հատվածը և սեղմեք Ctrl + Enter։