Լուգանսկից հայտնել են, որ Ուկրաինայում մարտիկներ են հավաքագրվում և ուղարկվում Հայաստանի դեմ պատերազմելու
Լուգանսկի Ժողովրդական Հանրապետության միլիցիայի պաշտոնական ներկայացուցչի խոսքով՝ հավաքագրված նախկին ու ներկա զինվորականներն ուղարկվում են Ադրբեջան՝ Հայաստանի դեմ ռազմական գործողություններին մասնակցելու:
Լուգանսկի Ժողովրդական Հանրապետության միլիցիայի մամուլի քարտուղար Յակով Օսադչիյը հայտարարել է, որ Ուկրաինայում տեղի ազգայնականների կողմից իրականացվում է փորձառու զինծառայողների հավաքագրում: ԼԺՀ-ի պաշտոնական ներկայացուցչի խոսքով՝ նրանք ուղարկվում են Ադրբեջան՝ Հայաստանի դեմ ռազմական գործողություններին մասնակցելու:
Յակով Օսադչիյը նշել է, որ գործընթացը ղեկավարում է Ուկրաինայի Անվտանգության ծառայության պետի տեղակալ Վլադիմիր Գորբենկոն: Միլիցիայի ներկայացուցչի խոսքով՝ նախկին ու ներկա զինվորականներից բացի՝ հավաքագրվում են նաև մարտական փորձառություն ունեցող քաղաքացիներ:
ԼԺՀ-ի ազգային միլիցիայի նեկայացուցիչը հայտնել է, որ ազգայնականները, Ուկրաինայի Անվտանգության ծառայության ուղղորդմամբ, Խարկովում, Զապորոժյեում և մայրաքաղաք Կիևում նախապատրաստում են հակահայկական ակցիաներ:
Նշենք, որ ուկրաինացի վարձկանները մասնակցել են նաև Արցախյան պատերազմին՝ ընդդեմ հայկական ուժերի: Նրանց հիմնականում ներգրավված են եղել ադրբեջանական օդային ստորաբաժանումներում:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները