iPhone 11-ի տեսախցիկի հնարավորությունների ֆոտոակնարկները — Շեշտ.am (shesht.am)
6 րոպե
Խմբագրություն

iPhone 11-ի տեսախցիկի հնարավորությունների ֆոտոակնարկները

Լրագրողները iPhone 11-ի, Pro-ի և Pro Max-ի տեսախցիկներն անվանել են լավագույնը բոլոր սմարթֆոնների մեջ:

iPhone 11 Pro-ի 3 տեսախցիկները / ©mobilesyrup.com

Ինչպես հիշում եք, սեպտեմբերի 10-ին Apple ներկայացրել էր iPhone 11, 11 Pro և 11 Pro Max մոդելները: Սերիայի գլխավոր առանձնահատկությունը թարմացված տեսախցիկն է: 11-ը ստացել է լայն և գերլայն անկյամբ օժտված սենսորներ, իսկ Pro-ն և Pro Max-ը՝ բացի սենսորներից համալրվել է տելեֆոտո-օբյեկտիվով:

Սեպտեմբերի 17-ին հրատարակությունները և բլոգերները հրապարակել են նոր iPhone-ների ակնարկները: Նյութերի մեծ մասի կենտրոնում հայտնվել է սարքավորման տեսախցիկը. լրագրողները փորձարկել են այն ամենատարբեր պայմաններում և համեմատել մրցակիցների հետ:

TechCrunch

iPhone 11 Pro-ով արված նկարներ / ©techcrunch

TechCrunch-ի խմբագիր Մեթյու Պանցարինոն գոհունակություն է հայտնել iPhone 11-ի նկարների որակի համար, բայց ավելի շատ նրա մոտ տպավորվել է գիշերային ռեժիմը: Ինչպես շատ սմարթֆոնների դեպքում, այստեղ նույնպես ֆունկցիան ինքնուրույն միանում է լույսի անբավարարության դեպքում:

Գիշերային ռեժիմ՝ պասիվ և ակտիվ / ©techcrunch

Պանցարինոյին զարմացրել է գիշերային ռեժիմում արված լուսանկարների մանրակրկտությունը, ինչպես նաև բնականին մոտ գույները:

Համեմատություն՝ Pixel / ©techcrunch

The Verge

The Verge-ի գլխավոր խմբագիր Նիլայ Պատելը iPhone 11 Pro-ն և Pro Max-ը համարել է ամենահավասարակշռված և ֆունկցիոնալ սմարթֆոններն ինչպես Apple-ում, այնպես էլ ընդհանրապես ամբողջ շուկայում:

Նիլայ Պատելի արած լուսանկարը / ©The Verge

Նրա խոսքով՝ նոր սմարթֆոններն ունեն անհավատալի աշխատանքային ժամանակ, երկար տարիներ արդիական հանդիսացող պրոցեսորներ, հիանալի դիսփլեյ և տեսախցիկների համակարգ, որոնք գերազանցում են ցանկացած մրցակցի: Պատելը նույնպես ընդգծել է գիշերային ռեժիմը, բայց նշել է, որ սարքավորումը ոչ միշտ է վատ լուսավորության պայմաններում լավ նկարում: Նա նոր iPhone-ները համեմատել է Pixel-ի հետ:

MASHABLE

Ռեյմոնդ Վոնգի արած լուսանկարը / ©Mashable

Mashable-ի հեղինակ Ռեյմոնդ Վոնգը եզրակացրել է, որ Apple-ը iPhone 11 Pro-ում տեղադրել է երեք տեսախցիկների լավագույն համակարգը: Նրա խոսքով՝ մյուս սմարթֆոնները հնարավոր է ունենան սենսորների նմանատիպ համադրություն, սակայն որպես մեկ ընդհանրություն չեն կարող աշխատել: Վոնգը նշել է, որ մեկ անգամ այս տեսախցիկներն օգտագործելուց հետո այլևս ցանկություն չի լինում օգտագործելու մեկ տեսախցիկը:

Ռեյմոնդ Վոնգի արած լուսանկարը / ©Mashable

Լրագրողը նշել է, որ լավագույն լուսանկարները ստացվում են տելեֆոտո-ոսպնյակի միջոցով՝ հատկապես թույլ լուսավորության պայմաններում: Վոնգի խոսքով՝ iPhone 11 Pro-ի առավելությունը մրցակիցների համեմատ այն է, որ տեսախցիկների ծրագրային ապահովումն աշխատում է անթերի՝ ապահովելով գերազանց արդյունք:

Refinery29

Անաբել Պասարոուի արած լուսանկարը / Refinery29

Refinery29-ի հեղինակ Անաբել Պասարոուն և նրա գործընկերները գլխավոր նորամուծություն են համարել գիշերային ռեժիմը: Պասարոուի խոսքով՝ ֆունկցիան այնքան լավ է աշխատում, որ կարող է կիրառվել որպես լապտեր:

Լրագրողը համեմատել է Pixel-ի Night Sight-ի հետ, սակայն նշել, որ այստեղ ռեժիմն ինքնաշխատ կերպով է ակտիվանում: Ռեժիմը տպավորիչ կերպով լուսավորում է խամրած լուսանկարները: Պասարոուն գնահատել է որակյալ տեսանյութեր նկարելու հնարավորությունը:

Engadget

Քրիս Վելասկոյի արած լուսանկարը / ©Engadget

Engadget-ի խմբագիր Քրիս Վելասկոն iPhone 11-ը գովաբանել է մրցակիցների համեմատ ավելի չեզոք նկարներ ստանալու համար: Նրա կարծիքով՝ Apple-ը լավացրել է Smart HDR-ը և հիմա սմարթֆոնը նկարում է բնականին հնարավորինս մոտ նկարներ՝ առանց հավելյալ միջամտության:

Քրիս Վելասկոյի արած լուսանկարը / ©Engadget

Գերլայն անկյամբ տեսախցիկը, Վելասկոյի խոսքով, հրաշալի գլուխ է հանում մեծ լայնությամբ լանդշաֆտ նկարելիս, բայց հիմնական ոսպնյակի նման մանրակրկիտ չէ: Լրագրողը եզրակացրել է, որ iPhone 11-ն այնքան լավ է նկարում, որ օգտատերերը չեն փոշմանի Pro-ն գնելու համար:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

3 րոպե
Խմբագրություն

Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն ու հնարավոր զարգացումները, Իրանի ԻՀՊԿ-ի գլխավոր շտաբի պետը հայտարարում է, որ իրանական հրթիռները կարող են հասնել Բաքու և ոչնչացնել այն:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.