Մահացել է Կարեն Վարդանյանը
Կարեն Վարդանյանը դիմակներն անվանում էր «նամորդնիկներ»: Նա իշխանությունների քննադատներից մեկն էր, բազմաթիվ կոնսպիրոլոգիական տեսություններ առաջադրող գործիչ և, միաժամանակ, ՏՏ ոլորտի զարգացման գործում մեծ ներդրում ունեցող գիտնական:
Բարձր տեխնոլոգիական արդյունաբերության նախարար Հակոբ Արշակյանը հայտնել է, որ մահացել է «Առաջատար տեխնոլոգիաների ձեռնարկությունների միության» գործադիր տնօրեն Կարեն Վարդանյանը:
Մահվան պատճառը դեռևս հայտնի չէ:
Հիշեցնենք, որ Կարեն Վարդանյանը բազմաթիվ հարցերում քննադատում էր ինչպես նախկին, այնպես էլ նոր իշխանություններին: Վերջիններիս, մասնավորապես, մեղադրում էր կորոնավիրուսի շրջանակներում «մարդկության դեմ գործած հանցագործությունների մեջ»: Տարբեր լրատվամիջոցներով Վարդանյանը մշտապես խոսում էր Բիլ Գեյթսի՝ չիպավորման ծրագրերի և կորոնավիրուսի արհեստականության մասին:
Կարեն Վարդանյանը ծնվել էր 1963 թվականին: Նա 1986թ. ավարտել է Երևանի պոլիտեխնիկ ինստիտուտը` որպես հիդրոինժեներ, իսկ 2009թ. դասընթաց անցել ԱՄՆ-ի Հարվարդի համալսարանում` Քենեդու կառավարման դպրոցում: Կարեն Վարդանյանը 7 արտոնագրված գյուտերի հեղինակ է։
Նրա անվան հետ են կապվում Հայաստանում տեխնոլոգիական ոլորտում ստեղծված ու կայացած մի շարք նախաձեռնություններ, ինչպիսիք են ԱՏՁՄ-ը, Դիջիթեք էքսպոն, Արմաթ լաբորատորիաներն, Դիջիթեք բիզնես ֆորումը, ՏՏ համաշխարհային կոնգրեսը և այլն: Ոլորտի ներկայացուցիչները բարձր են գնահատում նրա ավանդը:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները