Հայաստանում կորոնավիրուսով վարակվածության 557 նոր դեպք է հաստատվել
Վարակվածների թիվը Հանրապետությունում հասել է 30903-ի: Նախորդ օրը Covid-19-ից մահացել է 11 մարդ, առողջացել են 709-ը: Փաստացի բուժում է ստանում 11471 պացիենտ:
Հայաստանում կորոնավիրուսով վարակվածներից 18709-ն արդեն առողջացել են: Մինչ օրս կատարվել է 131216 թեստավորում: Նախորդ օրը կատարված թեստերից 1493-ը բացասական են եղել: ՀՀ Ան Հիվանդությունների վերահսկման և կանխարգելման ազգային կենտրոնի հաղորդմամբ՝ փաստացի բուժում է ստանում 11471 պացիենտ:
Covid-19-ից մահացածների թիվը հասել է 546-ի: Վերջին 24 ժամում մահացած պացիենտները եղել են 69 (կին), 72 (կին), 64 (կին), 86 (կին), 93 (տղամարդ), 51 (կին), 90 (տղամարդ), 60 (տղամարդ), 62 (տղամարդ), 72 (տղամարդ) և 85 (տղամարդ) տարեկան։ Բոլորն ունեցել են ուղեկցող քրոնիկական հիվանդություններ։
Հաղորդվում է, որ նախորդ օրն արձանագրվել է մահվան 7 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 177 է:
Մեկնաբանությունները