Նիկոլ Փաշինյանը և նրա ընտանիքի անդամները վարակվել են կորոնավիրուսով
Վարչապետը նշել է, որ ախտանշաններ, այդ թվում՝ ջերմություն, չունեն, այժմ մեկուսացված են:
Վարչապետ Նիկոլ Փաշինյանն իր ֆեյսբուքյան էջում հայտարարել է, որ վարակվել է կորոնավիրուսով: Նրա խոսքով՝ դրական են եղել ընտանիքի բոլոր անդամների թեստի արդյունքները:
Փաշինյանը նշել է, որ ախտանշաններ չունեն, այժմ մեկուսացված են: Թեստավորումը, վարչապետի խոսքով, պայմանավորված է եղել այն հանգամանքով, որ պատրաստվել է այցելել դիրքեր, այդ նպատակով կանխարգելիչ ստուգում է իրականացվել:
Վարչապետը վարակվելու հավանական պատճառ է համարել նիստերի ժամանակ սպասարկող անձնակազմի կողմից հակահամաճարակային կանոնները պատշաճ կերպով չապահովելը: Մասնավորապես, նիստերից մեկի ժամանակ նկատել է, որ բաժակը սեղանին են տեղադրում առանց ձեռնոցի: Նկատողություն արվել է, սակայն Փաշինյանը նշել է, որ հնարավոր է՝ նման այլ խախտումներ ևս արված լինեն, ինչի պատճառով վարակը հասնի կառավարություն:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները