Հայաստանում գրանցվել է վարակվածության 697 նոր դեպք

Նիկոլ Փաշինյանը նշել է, որ նախորդ օրը կորոնավիրուսից մահացության 6 նոր դեպք է գրանցվել: Վարակվածների շրջանում այլ պատճառով մահացությունները 9-ն են:

Նորություններ

# COVID-19

# Հայաստան

# Նիկոլ Փաշինյան

Վարակվածության 697 նոր դեպք է գրանցվել / © Հետք / Հեղինակ՝ անհայտ, լուսանկարը տրամադրել է օգտատերը

Վարչապետ Նիկոլ Փաշինյանն իր ֆեյսբուքյան ուղիղ եթերում հայտարարել է, որ Հայաստանում կորոնավիրուսային համաճարակի հետ կապված խնդիրը շարունակում է խորանալ. նախորդ օրը վարակվածության 697 նոր դեպք է գրանցվել:

https://www.facebook.com/nikol.pashinyan/videos/3095236613874933/

Իրավիճակը շարունակում է վատթարանալ / © Նիկոլ Փաշինյան

Վարչապետը նշել է, որ ներկայումս Հայաստանում բազմաթիվ քաղաքացիներ վարակված են, սակայն ախտանշաններ չունեն: Միևնույն ժամանակ՝ այդպիսի վարակվածները շարունակում են վարակել այլ մարդկանց: Արդյունքում՝ առողջապահական համակարգը գերծանրաբեռնվել է. մահճակալային ֆոնդի սպառման պատճառով արդեն ոչ բոլորին է հնարավոր ինտենսիվ բուժօգնություն ցուցաբերել:

Փաշինյանը կոչ է արել պահպանել հակահամաճարակային կանոնները և սկսել նոր շարժում. խախտման դեպքերը լուսանկարել և տեղադրել սոցցանցերում: Ոստիկանությունը հետևելու է սոցցանցերի հրապարակումներին և արձագանքելու է:

Հունիսի 4-ի ժամը 11:00-ի դրությամբ վարակվածների թիվը Հայաստանում հասել է 11221-ի: Մահացության դեպքերն ընդհանուր 176-ն են՝ կորոնավիրուսից, 68-ը՝ այլ պատճառով: Կորոնավիրուսից մահացած պացիենտները եղել են 44 (կին), 90 (տղամարդ), 80 (կին), 79 (կին), 80 (տղամարդ), 66 (կին) տարեկան: Բացի վերջինից, մնացած բոլորն ունեցել են ուղեկցող քրոնիկական հիվանդություններ:

Առողջացածները 3468-ն են: Փաստացի բուժում է ստանում 7509 պացիենտ:

Վրիպա՞կ գտաք։ Նշեք հատվածը և սեղմեք Ctrl + Enter։