Հայկական արտադրության «X-100». արբանյակային տեղորոշման համակարգերի ճնշման ռադիոէլեկտրոնային պայքարի կայան
Հակոբ Արշակյանի հաղորդմամբ` կայանի նպատակն արբանյակային տեղորոշման GPS, GLONASS և այլ տեսակի համակարգերի վրա ազդելն է: «X-100»-ը կարող է խափանել մինչև 100 կմ հեռավորության վրա գտնվող անօդաչու թռչող սարքերի և այլ սարքավորումների տեղորոշման համակարգերի աշխատանքը:
ՀՀ Բարձր տեխնոլոգիական արդյունաբերության նախարարը ներկայացրել է հայկական արտադրության արբանյակային տեղորոշման համակարգերի ճնշման ռադիոէլեկտրոնային պայքարի (ՌԷՊ) «X-100» կայանը։
Հակոբ Արշակյանի հաղորդմամբ` կայանի նպատակն արբանյակային տեղորոշման GPS, GLONASS և այլ տեսակի համակարգերի վրա ազդելն է: «X-100»-ը կարող է խափանել մինչև 100 կմ հեռավորության վրա գտնվող անօդաչու թռչող սարքերի և այլ սարքավորումների տեղորոշման համակարգերի աշխատանքը:
Նախարարը հայտարարել է նաև, որ հայկական ռազմարդյունաբերական համալիրի մի շարք մշակումներ ցուցադրվելու են մարտի 25-27-ը` Երևանի Կարեն Դեմիրճյանի անվան մարզահամերգային համալիրում, որտեղ անցկացվելու է «Արմհայթեք» սպառազինության և պաշտպանական տեխնոլոգիաների միջազգային ցուցահանդեսը:
Հիշեցնենք, որ ավելի վաղ Արշակյանը հայտարարել էր հայկական արտադրության հարվածային ԱԹՍ-ի և 82 մմ ականանետի ստեղծման մասին, որոնք պետական փորձարկումների փուլում են:
Մեկնաբանությունները