Թանկացման հարց չի քննարկվում. քաղաքապետի մամուլի խոսնակը՝ տարածված լուրերի մասին
Հակոբ Կարապետյանը նշել է, որ քաղաքապետարանը հանրային տրանսպորտի սակագնի փոփոխության հարց չի քննարկում եւ խնդրել է հետեւել միայն պաշտոնական տեղեկատվությանը։
Շեշտ.am-ն ավելի վաղ անդրադարձել էր Երևանի քաղաքապետ Հայկ Մարությանի հայտարարությանը։ Քաղաքապետը խոսել էր մայրաքաղաքում առկա խնդիրների եւ դրանց լուծմանն ուղղված աշխատանքների մասին՝ նշելով, որ հանրային տրանսպորտի ուղեվարձը կարող է թանկանալ միայն փոփոխություններից հետո։
Երեւանի քաղաքապետի մամուլի քարտուղար Հակոբ Կարապետյանն անդրադարձել է տարածված տեղեկություններին, ըստ որոնց նախատեսվում է քաղաքային տրանսպորտի սակագնի բարձրացում։
Հակոբ Կարապետյանը նշել է, որ քաղաքապետարանը հանրային տրանսպորտի սակագնի փոփոխության հարց չի քննարկում եւ խնդրել է հետեւել միայն պաշտոնական տեղեկատվությանը։
Հավելենք, որ ուղեվարձի թանկացման անխուսափելիության մասին հայտարարություն էր արել փոխքաղաքապետ Հրաչյա Սարգսյանը։ Վերջինս նույնպես նշել էր, որ թանկացումը հնարավոր է միայն տրանսպորտային նոր ցանցի ներդրումից հետո։
Մեկնաբանությունները