Երևանի քաղաքապետն ուղևորավարձի թանկացումը մտադիր է իրականացնել տրանսպորտը նորացնելուց հետո
Մարությանը դեռևս 2013թ․ հանրային տրանսպորտի ուղևորավարձի թանկացման դեմ բողոքողների առաջին շարքերում էր։
Երևանի քաղաքապետ Հայկ Մարությանը Civilnet-ին տված հարցազրույցի ժամանակ անդրադարձել է մայրաքաղաքում առկա խնդիրներին։ Խոսել է նաև դրանց լուծմանն ուղղված աշխատանքների մասին։
Հանրային տրանսպորտի ուղևորավարձի թանկացման դեմ բուռն պայքար մղած քաղաքապետը նշել է, որ այն կարող է թանկանալ միայն փոփոխություններից հետո։ Մարությանն անթույլատրելի է համարել մինչև երթուղային տրանսպորտի փոխումը խոսել վճարի բարձրացման մասին։
Քաղաքապետն, անդրադառնալով քաղաքային տրանսպորտի վիճակի պատճառների մասին, նշել է, որ երթուղային համակարգում փոփոխությունները կտևեն նվազագույնը երկու տարի։
Հիշեցնենք, որ Հայկ Մարությանը դեռևս 2013թ․ հանրային տրանսպորտի ուղևորավարձի թանկացման դեմ բողոքողների առաջին շարքերում էր։ Նա իր մեքենայով քաղաքացիներին անվճար էր տեղափոխում՝ նշելով, որ ամոթ է 150 դրամ վճարելը, քանի որ մարդիկ չունեն այդ ավել 50-ը։
Հավելենք նաև, որ այսօր Երևանում փորձնական գործարկվել է նոր ավտոբուս։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները