Երևանը 6 ամսվա ընթացքում 161 հատ 8,6 մետրանոց նոր ավտոբուսներ կունենա
CNG Green line («կանաչ») շարժիչով ավտոբուսների մատակարարը միջազգային բարձր որակավորում ունեցող, Չինաստանում գործող «Ժոնգ տոնգ» (Zhong Tong) ընկերությունն է։
Երևանի քաղաքապետ Հայկ Մարությանն իր ֆեյսբուքյան էջում հայտնել է, թե ինչ տեսք են ունենալու նոր ավտոբուսները:
Քաղաքապետն արդեն ստորագրել է 161 հատ 8,6 մետրանոց քաղաքային նոր ավտոբուսների ձեռքբերման պայմանագիրը։ Նրա խոսքով` CNG Green line («կանաչ») շարժիչով ավտոբուսների մատակարարը միջազգային բարձր որակավորում ունեցող, Չինաստանում գործող «Ժոնգ տոնգ» (Zhong Tong) ընկերությունն է։
Մարությանը նշել է, որ ավտոբուսների մատակարարումը կիրականացվի 6 ամսվա ընթացքում: Նոր ավտոբուսները հագեցած կլինեն եվրոպական ժամանակակից ստանդարտներին համապատասխան կահավորանքով, մասնավորապես, օդորակիչներով, LED լուսատախտակներով և հաշմանդամություն ունեցող անձանց համար հատուկ կահավորանքով։
Հայկ Մարությանը շեշտել է, որ տրանսպորտային բարեփոխումն ընթանում է նախանշված ժամանակացույցի համաձայն։
Մեկնաբանությունները