Ռուսաստանի Դաշնային խորհուրդը վավերացրել է Հայաստանի հետ համագործակցության վերաբերյալ փոփոխությունները — Շեշտ.am (shesht.am)
2 րոպե
Խմբագրություն

Ռուսաստանի Դաշնային խորհուրդը վավերացրել է Հայաստանի հետ համագործակցության վերաբերյալ փոփոխությունները

Փոփոխությունները նախատեսում են ռուսական նավթամթերքի (նավթային հանքաձյութ) արտահանում դեպի Հայաստան՝ առանց փոխադրման մաքսային տուրքի գանձման:

Ռուսաստանի Դաշնային խորհուրդ / © РИА Новости / Владимир Федоренко

Դաշնային խորհրդի վավերացրած արձանագրությունը վերաբերում է Հայաստան գազի, նավթամթերքի և չմշակված բնական ադամանդի մատակարարմանը:

Ավելի վաղ ՌԴ նախագահ Վլադիմիր Պուտինը ստորագրել էր ռուսական նավթամթերքը դեպի Հայաստան արտահանման ձևակերպման դյուրացման վերաբերյալ համաձայնության արձանագրությունը վավերացնելու մասին օրենքը՝ չեղարկելով ժամանակավոր պարբերական մաքսային հայտարարագրումը Ռուսաստանից Հայաստան 95-ից ցածր օքտանային միավոր ունեցող ավտոմոբիլային բենզինի, դիզելային վառելիքի, ռեակտիվ շարժիչի վառելիքի, այրման մազութի, նավթային հեղուկ պարաֆինի փոխադրման դեպքում:

Հավելենք, որ Ռուսաստանի Դաշնության և Հայաստանի Հանրապետության միջև բնական գազի, նավթամթերքի և չմշակված բնական ադամանդի մատակարարման ոլորտում համագործակցության՝ 2013թ. դեկտեմբերի 2-ի համաձայնությունում փոփոխությունների արձանագրությունը ստորագրվել է 2020թ. ապրիլի 7-ին՝ Մոսկվայում:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.