Արևմուտքը Ղարաբաղյան համաձայնության տապալում է հրահրում. Նարիշկին

ԱՄՆ-ի և նրա դաշնակիցների նպատակը, ՌԴ արտաքին հետախուզական գերատեսչության ղեկավարի պնդմամբ, Հայաստանի և Ադրբեջանի ազգայնականներին հրահրելն է, որպեսզի վարկաբեկվի և տապալվի նոյեմբերի 9-ի լույս 10-ի գիշերը Հայաստանի, Ռուսաստանի և Ադրբեջանի միջև ստորագրված հայտարարությունը:

Նորություններ

# ԱՄՆ

# Արցախ

# Հայտարարություններ

# Սերգեյ Նարիշկին

Ռուս խաղաղապահների անցակետ՝ Բերձորի (Լաչին) միջանցքում / © Sputnik / Հեղինակ՝ անհայտ, լուսանկարը տրամադրել է օգտատերը

Ռուսաստանի Դաշնության Արտաքին հետախուզական ծառայության տնօրեն Սերգեյ Նարիշկինը հայտարարել է, որ Արևմուտքն ազգայնականներին հրահրում է տապալել Ղարաբաղի վերաբերյալ ձեռք բերված եռակողմ համաձայնությունը:

Նարիշկինի խոսքով՝ Ամերիկայի Միացյալ Նահանգները և նրա դաշնակիցները փորձում են սրել թշնամանքը հայ և ադրբեջանցի ժողովուրդների միջև: Արևմուտքի նպատակը, ՌԴ հետախուզական գերատեսչության ղեկավարի պնդմամբ, Հայաստանի և Ադրբեջանի ազգայնականներին հրահրելն է, որպեսզի վարկաբեկվի և տապալվի նոյեմբերի 9-ի լույս 10-ի գիշերը Հայաստանի, Ռուսաստանի և Ադրբեջանի միջև ստորագրված հայտարարությունը:

Հիշեցնենք, որ Արցախում պատերազմի դադարեցման վերաբերյալ համաձայնությունը ստորագրել են ՀՀ վարչապետ Նիկոլ Փաշինյանը, ՌԴ նախագահ Վլադիմիր Պուտինը և Ադրբեջանի նախագահ Իլհամ Ալիևը:

Ներկայումս իրագործվում են հայտարարության որոշ կետեր, մասնավորապես՝ տեղակայվել են ռուս խաղաղապահներ, զոհվածների մարմինների փոխանակումը և տարածքների աստիճանական հանձնումն Ադրբեջանին ընթացքի մեջ են: ՌԴ նախագահն ավելի վաղ նշել էր, որ համաձայնության կարևոր արդյունքն այն է, որ «արյուն չի թափվում»:

Վրիպա՞կ գտաք։ Նշեք հատվածը և սեղմեք Ctrl + Enter։