Ոստիկանները վարորդների մոտից դանակներ են գտել, մի մասը վարորդական վկայական չի ունեցել

Դերասան Արտյոմ Կարապետյանը live-ով հայտնել էր, որ երթուղայինի վարորդն իրեն դանակով սպառնացել է: Ոստիկանության գործողություններից հետո, սակայն, վարորդի եղբորորդին է շարունակում սպառնալ դերասանին:

Նորություններ

# Արտյոմ Կարապետյան

# Երթուղայիններ

# Հրաչյա Հակոբյան

# Ոստիկանություն

# Վարորդներ

Ոստիկաններ և երթուղայինի վարորդ / ©police.am / Հեղինակ՝ անհայտ, լուսանկարը տրամադրել է օգտատերը

ՀՀ Ոստիկանությունը հաղորդագրություն է տարածել՝ նշելով, որ նոյեմբերի 21-ին հասարակական կարգի ու երթևեկության անվտանգության ապահովման նպատակով ոստիկանության Երևանի վարչության, տարածքային բաժինների ու ճանապարհային ոստիկանության ծառայողներն ուժեղացված ծառայություն իրականացրին մայրաքաղաքում։

Նշվում է, որ տարբեր իրավախախտումների համար կանգնեցվել են հասարակական տրանսպորտ հանդիսացող միկրոավտոբուսներ։ Վարորդների մոտից հայտնաբերվել են դանակներ։ Որոշ «Գազելների» վարորդների նկատմամբ կազմվել են վարչական իրավախախտման վերաբերյալ արձանագրություններ։ 8 միկրոավտոբուս տեղափոխվել է ճանապարհային ոստիկանության պահպանվող հատուկ տարածք, քանի որ վարորդները չեն ունեցել համապատասխան վարորդական վկայական։ Ոստիկանությունը հաղորդում է, որ ուժեղացված ծառայությունները շարունակական են լինելու։

Ուժեղացված ծառայություն / ©police.am

Հիշեցնենք՝ օրեր առաջ դերասան Արտյոմ Կարապետյանն ահազանգել էր, որ երթուղայինի վարորդն իրեն սպառնացել է դանակով: Նա դեպքից հետո որոշել էր իր մոտ նույնպես դանակ պահել՝ անվտանգության համար:

https://www.facebook.com/newsamtv/videos/1166971063493508/

Դերասանի հայտարարությանն արագ արձագանքել է Ազգային ժողովի պատգամավոր Հրաչյա Հակոբյանը.

https://www.facebook.com/hrach.hakobyan.33/posts/10156983750593585

Թեև Ոստիկանությունը հետևողականորեն իրականացրել է ուժեղացված ծառայությունը, սակայն Կարապետյանը նոր հայտարարություն է արել: Նա նշել է, որ իրեն ֆեյսբուքյան օգտատերերից մեկը դեպքից հետո սպառնացել է՝ ներկայանով վարորդի եղբոր տղա:

ՈՒշադրություն՝ տեքստում կա հայհոյանք.

https://www.facebook.com/permalink.php?story_fbid=2399186190342246&id=100007526658038

Բազմաթիվ օգտատերեր մեկնաբանություններում նշել էին, որ պետք էր հայտնաբերել դերասանին սպառնացող վարորդին, ինչի մասին Ոստիկանությունը տեղեկություն չի հաղորդում: Ուշագրավ է, որ այժմ օգտատերերն ուրախ են, որ եղբորորդու միջոցով վարորդը կհայտնաբերվի:

Վրիպա՞կ գտաք։ Նշեք հատվածը և սեղմեք Ctrl + Enter։