Ջերմություն ունեցող 129 էջմիածնեցիներ ճանապարհից հետ են ուղարկվել՝ ինքնամեկուսացման — Շեշտ.am (shesht.am)
2 րոպե
Խմբագրություն

Ջերմություն ունեցող 129 էջմիածնեցիներ ճանապարհից հետ են ուղարկվել՝ ինքնամեկուսացման

Ավելի քան 300 մարդ մեկուսացված է, ևս 300 քաղաքացու մեկուսացման համար տարածքներ են նախապատրաստվում: Ժամը 15:00-ին արտահերթ նիստում քննարկվելու է արտակարգ դրության հարցը:

Նիկոլ Փաշինյանն ուղիղ եթերով հայտարարություն է տարածել / © Ազատություն/Փաշինյանի ՖԲ էջից

Վարչապետ Նիկոլ Փաշինյանը հայտնել է, որ Էջմիածնի ճանապարհների վրա տեղակայված ստուգիչ 3 կետերում 129 մարդու մոտ բարձր ջերմություն է արձանագրվել: Նրանք հետ են ուղարկվել՝ ինքնամեկուսացվելու:

Փաշինյանը նշել է, որ այսօր ժամը 15:00-ին Կառավարությունն արտահերթ նիստ է գումարելու՝ Հայաստանում արտակարգ դրություն հայտարարելու հարցը քննարկելու: Նիստը հեռարձակվելու է ուղիղ եթերում:

Ժամը 15.00-ին տեղի կունենա կառավարության արտահերթ նիստ, որտեղ կքննարկվի կորոնավիրուսի տարածումը կանխարգելելու նպատակով Հանրապետությունում արտակարգ դրություն մտցնելու հարցը։

Опубликовано Nikol Pashinyan / Նիկոլ Փաշինյան Понедельник, 16 марта 2020 г.
Վարչապետը մանրամասներ է ներկայացնում / © Նիկոլ Փաշինյանի ՖԲ էջ

Վարչապետը հաղորդել է, որ առկա տվյալների համաձայն՝ եթե երկրի սահմաններն ամբողջությամբ փակ լինեն, ապա Հայաստանում առկա պարենային պաշարները կբավականացնի առնվազն մեկ ամսվա համար՝ չնայած մինչ օրս բեռնափոխադրումների համար խիստ սահմանափակումներ չեն կիրառվել:

Ավելի վաղ հաղորդվել էր, որ Էջմիածին քաղաքացի ելքերն ու մուտքերը փակվել են, տեղաշարժը թույլատրվել է միայն 3 ճանապարհներով, որտեղով անցնողները տեղում ստուգվում են:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.