TikTok-ում «Գանգի կոտրվածք» չելենջի պատճառով բազմաթիվ դեռահասներ վնասվածքներ են ստացել — Շեշտ.am (shesht.am)
6 րոպե
Խմբագրություն

TikTok-ում «Գանգի կոտրվածք» չելենջի պատճառով բազմաթիվ դեռահասներ վնասվածքներ են ստացել

Հանուն պրանկի զոհին հարկադրում են ցատկել, ապա հարվածում են ոտքերին. ընկնում է հատակին՝ ստանալով ուղեղի ցնցում կամ այլ վնասվածքներ: Պրանկերների նկատմամբ առաջին մեղադրանքներն են ներկայացվել:

SkullBreaker չելենջը / ©The Rojak Pot

TikTok-ում մեծ տարածում է ստացել SkullBreaker չելենջը (գանգի կոտրվածք), որտեղ ոչինչ չկասկածող զոհի ոտքերին այնպես են հարվածում, որ նա գլխով հարվածում է հատակին: Որոշ դեռահասներ վնասվածքներ են ստացել, ոստիկանությունը և դպրոցները զգուշացրել են չելենջի վտանգավորության մասին, իսկ TikTok-ն արգելափակել է պրանկը:

Սակայն այդ միջոցառումները բավարար չեն եղել: Ներկայումս նյուջերսիցի տուժած դեռահասի ծնողները դպրոցականների նկատմամբ մեղադրանք են առաջադրել՝ վտանգավոր չելենջին մեկընդմիշտ վերջ դնելու համար: Նրանց որդին դասընկերների պատճառով ցնցում է ստացել:

«Գանգի կոտրվածք»

Չելենջի էությունը կայանում է նրանում, որ նախապես պայմանավորված երկու հոգի երրորդին հարկադրում են նկարահանվել TikTok-ի համար, որտեղ ցատկելու են կամ պարելու, և խնդրում են միանալ իրենց: Շարք են կանգնում, առաջինը ցատկում են պայմանավորվածները, իսկ վերջում` երրորդը, ով կենտրոնում է կանգնում: Կողքինները նրա ոտքերին են հարվածում, ինչի հետևանքով զոհն ընկնում է հատակին:

Նոր գլխացավանք դպրոցներում: Բազմաթիվ երեխաներ վնասվածքներ են ստացել: Վիրուսային միտում:

Չելենջը տարածվել է Վենեսուելայից՝ փետրվարի սկզբներին: Տեղի դպրոցներից մեկի ղեկավարությունը պրանկի մասին տեղեկացել է և հայտարարել, որ չելենջի մասնակիցները ենթակա են վարչական տույժի:

Զոհերը

Մարտի 4-ին Նյու Ջերսի նահանգի Չերի Հիլլ քաղաքում ոստիկանությունը ծանրացուցիչ հանգամանքներով հարձակման և զոհի համար վտանգի ստեղծման մեղադրանք է ներկայացրել երկու դեռահասների նկատմամբ: Թե ինչ պատիժ է նրանց հասնում, հայտնի չէ: Հունվար ամսին նրանք #SkullBreakerChallenge-ի համար հոլովակ են նկարահանել և հրապարակել TikTok-ում. նկարահանման ժամանակ տուժածը ստացել է ուղեղի ցնցում:

Տուժած 13-ամյա տղայի ծնողները՝ Սթեյսի և Մարկ Շենկերները, պատմել են, որ մինչ իրենց որդու՝ հիվանդանոց հայտնվելը չելենջի մասին տեղյակ չեն եղել: Հունվարի 24-ին Սթեյսիին կանչել են դպրոց՝ հաղորդելով երեխայի մոտ վնասվածքի մասին: Շենկերը հայտնել է, որ հաղորդում է ներկայացրել ոստիկանություն, որպեսզի համոզվի, որ նման բան այլևս տեղի չի ունենա: Նրա խոսքով՝ տղաներն ընդամենը 13 տարեկան են, նրանք չեն մտածում:

Տուժած դեռահասն Ալաբամայից / ©tjournal.ru

Նա առաջին տուժածը չէր. փետրվարին Ալաբամայում դեռահասը երկու կոտրվածք էր ստացել և վիրահատվել: Փենսիլվանիայում 6-րդ դասարանցին համրացել է, Օրեգոնում 14-ամյա աղջիկն ուշագնաց է եղել, իսկ Արկանզասում դպրոցականը ցնցում է ստացել: Տուժածներից ոչ ոք չի իմացել, թե ինչ է իրենից ներկայացնում պրանկը. նրանք մտածել են, որ իրենց առաջարկում են պար սովորեցնել:

TikTok-ի, պետմարմինների, դպրոցների և ոստիկանության արձագանքը

Փետրվարի 7-ին շոտլանդական ոստիկանությունը ծնողներին զգուշացրել է վտանգավոր չելենջի մասին: Ամերիկյան դպրոցները նույնպես հիշատակել են, որ երեխաները դրա պատճառով վնասվածքներ են ստանում: Ռուսաստանում նույնպես տեղյակ են չելենջի մասին:

TikTok-ի օգտատերերը սկսել են հրապարակումներով կոչ անել մյուսներին՝ չմասնակցել վտանգավոր պրանկին:

Տեսանյութ՝ չելենջի հետևանքների մասին / © Click On Detroit | Local 4 | WDIV

Միայն փետրվարի 28-ին է TikTok-ն արգելափակել չելենջի հեշթեգը և նրան «ազգակից» #TrippingJump-ը, ինչպես նաև օգտատերերին խնդրել է զգուշավորություն ցուցաբերել: Ընկերությունն ընդգծել է, որ չելենջը խախտում է կանոնները և խոստացել է հեռացնել այն:

TikTok-ի ներկայացուցիչը հայտարարել է, որ ընկերությունը շարունակելու է խոչընդոտել նմանատիպ չելենջների տարածումը՝ կոչ անելով չկրկնել այն, քանի որ ծիծաղելի չէ:

Ամենաընթերցվածը

4 րոպե
Խմբագրություն

Ucom-ի բոլոր ծառայություններն այս պահին խափանված են։ Օգտատերերն ահազանգում են կրած վնասների մասին։ Նախարար Հակոբ Արշակյանը հայտնել է, որ խնդիրն այս պահին լուծվում է:

6 րոպե
Խմբագրություն

Այլմոլորակային զարգացած քաղաքակրթությունների ազդանշանների բացակայությունն, իրականում, մարդկության և ժամանակակից քաղաքակրթության համար շատ վատ նորություն է:

18 րոպե
Խմբագրություն

Գոյություն ունեն հրատարակություններ, որոնք ժամանակին են ընկնում ձեռքն ու օգնում են կյանքի այս կամ այն իրավիճակում: Հատուկ այդ դեպքերի համար պատրաստվել է գրքերի հավաքածու, որոնք արժե կարդալ, եթե դեռ 30 տարեկան չեք:

4 րոպե
Խմբագրություն

Ucom-ի բոլոր ծառայություններն այս պահին խափանված են։ Օգտատերերն ահազանգում են կրած վնասների մասին։ Նախարար Հակոբ Արշակյանը հայտնել է, որ խնդիրն այս պահին լուծվում է:

6 րոպե
Խմբագրություն

Այլմոլորակային զարգացած քաղաքակրթությունների ազդանշանների բացակայությունն, իրականում, մարդկության և ժամանակակից քաղաքակրթության համար շատ վատ նորություն է:

3 րոպե
Խմբագրություն

Կլիմայական փոփոխությունները մեծացնում են բազմամյա սառույցների միջից սիբիրյան խոցի, հնագույն էկոհամակարգերի մասնիկների՝ բակտերիաների ու վիրուսների «ազատագրման» վտանգը:

1 րոպե
dev

Առցանց քարտեզում կարող եք տեսնել Ձեր շենքում կամ հարևանությամբ գտնվող, կորոնավիրուսով վարակված ինքնամեկուսացվածների թիվը:

14 րոպե
Խմբագրություն

Ինչի՞ համար են իրականում հաճախորդների բոնուսային քարտեր, իրերի պահման խցիկներն ու հակաառևանգման դարպասները, ի՞նչ է կանացի ապրանքների «վարդագույն հարկը», սայլակների կառուցվածքի իրական նշանակությունն ու այլ հնարքներ, որոնց մենք գնումներ կատարելիս ուշադրություն չենք դարձնում:

1 րոպե
Խմբագրություն

Հունիսի 11-ի լույս 12-ի գիշերը Հայաստանում ուժգին ամպրոպներ են որոտացել: Գեղեցիկ, բայց, միաժամանակ, ահաբեկող պատկերը լուսանկարել են օգտատերերը:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.