Կառավարությունն՝ ընդդեմ «օրենքով գողերի». նախագիծը հավանություն է ստացել

Այսօր Կառավարությունը հերթական նիստում քննարկվել է Քրեական օրենսգրքում և Քրեական դատավարության օրենսգրքում փոփոխություններ և լրացումներ կատարելու նախագծի փաթեթների վերաբերյալ օրենսդրական նախաձեռնությունը:

Գործադիրը հավանություն է տվել նախագծին, որի ընդունմամբ նախատեսվում է հնարավորություն՝ քրեական ենթամշակույթի գոյությունը բացառելու ուղղությամբ առավել արդյունավետ, լիարժեք և վճռական պայքար մղել: Կառավարության համոզմամբ՝ դրանով կապահովվի հասարակական անվտանգությունն ու բոլորի համար պարտադիր կանոնների պահպանումը:

Նախագծի համաձայն՝ առաջարկվում է քրեական աստիճանակարգության բարձրագույն կարգավիճակ տալու կամ ստանալու կամ պահպանելու, քրեական ենթամշակույթ կրող խմբավորում ստեղծելու կամ ղեկավարելու, քրեական ենթամշակույթ կրող խմբավորմանը մասնակցելու կամ քրեական ենթամշակույթ կրող խմբավորմանը ներգրավելու, քրեական ենթամշակույթ կրող խմբավորման մասնակցին կամ քրեական աստիճանակարգության բարձրագույն կարգավիճակ ունեցող անձին դիմելու համար նախատեսել քրեական պատասխանատվություն:

Դրա համար առաջարկվել է սահմանել այդ (օրինակ՝ քրեական հեղինակություն, «օրենքով գող») հասկացությունները: Վարչապետը խստորեն դատապարտել է նրանց նկատմամբ հանդուրժողականությունը՝ շեշտելով, որ այդ անձանց համար բանտը իրենց տունն է, ուստի պետք է ուղարկել տուն:

Նիկոլ Փաշինյանը նշել է նաև, որ հնարավոր է՝ դիմադրություն լինի, ուստի պետք է վճռական գործել, ամենակոշտ մեթոդներով:

Էջանիշ

Պատճենել հղումը

Email

Տպել

Twitter

VK

Telegram