Android սմարթֆոնների վրա որոշ ետնանկարների տեղադրման ժամանակ խափանում են հայտնաբերել
Խնդիրը ծագում է ոչ բոլորի մոտ, սակայն ավելի լավ է՝ չփորձեք, ինչպես դա արել են բազմաթիվ օգտատերեր: Samsung-ն արդեն կարգավորում է խնդիրը:
Սոցցանցերում լուսանկար են հրապարակել, որն Android սմարթֆոնների վրա խափանումներ է առաջացնում: Խնդիրը ծագում է, երբ օգտատերը նկարը որպես ետնանկար է սահմանում:
Խափանումը հայտնաբերած օգտատերը հետևորդներին կոչ է արել բնապատկերը որպես սմարթֆոնի ետնանկար չտեղադրել (հատկապես Samsung-ների դեպքում) և խորհուրդ է տվել մերժել այն ուղարկողներին:
Այդուհանդերձ՝ որոշ օգտատերեր նրան չեն լսել և տեղադրել են: Մենք նույնպես հորդորում ենք չփորձել:
9toMac-ի հեղինակ Բեն Սկունը փորձարկում է արել Google Pixel 2-ով: Նրա սմարթֆոնը սկսել է պարբերաբար միանալ-անջատվել. վերբեռնումը նույնպես չի օգնում: Նրա դիտարկմամբ՝ խափանումը մեկնարկել է նկարը ետնանկար դարձնելու պահին: Նրա բացահայտման պահին Google Photo-յում խնդիր չի եղել:
Սակայն խնդիրը ոչ բոլոր սմարթֆոնների վրա է ի հայտ գալիս: Ice Universe-ի հրապարակումը մեկնաբանողներից մի քանիսի սարքավորումները շարունակել են աշխատել առանց խափանման: Փորձարկում է կատարել նաև Android Authority-ի հեղինակը. նրա Huawei Mate 20 Pro-ն շարունակել է կայուն աշխատել:
Խափանման հնարավոր պատճառը կարող է լինել sRGB գունային գամայի անհստակ արտահայտումը: Նկարը ձևակերպված է RGB-ով, ուստի համակարգը չի կարող հստակ արտահայտել այն, ինչի հետևանքով էլ խափանում է առաջանում: 9toMac-ն ուշադրություն է դարձրել, որ թեստավորման ժամանակ խնդիր է առաջացել Android 10-ով սարքավորումների վրա, իսկ Android 11-ի դեպքում այն չի եղել:
Ice Universe-ը նկարը ներբեռնել է Weibo-յում և նշել, որ սոցցանցն ինքնուրույն փոփոխել է գույները՝ դարձնելով «անվտանգ»: Դրանից եզրակացրել է, որ խնդիրը կապված է գամմայի հետ:
Հաղորդվում է, որ Samsung-ն արդեն տեղյակ է խնդրի մասին և կարգավորելու է մոտ ապագայում: Google-ի արձագանքի մասին չի հաղորդվում:
Մեկնաբանությունները