Android սմարթֆոնները կսկսեն ծանուցել երկրաշարժերի մասին և ինքնուրույն դիտարկում կկատարեն

Google-ում որոշել են սմարթֆոնների տվյալների հիման վրա ստեղծել ամենամասշտաբային սեյսմոլոգիական ցանցը: Այն նախապես տեղեկացնելու է ցնցումների մասին:

ՏՏ

# Android

# Google

# Երկրաշարժեր

# Սմարթֆոններ

Սմարթֆոնը կնախազգուշացնի երկրաշարժի մասին / © AP Photo, Reed Saxon / Հեղինակ՝ անհայտ, լուսանկարը տրամադրել է օգտատերը

Google-ն Android-ում երկրաշարժերի ծանուցում է տեղադրել: Սմարթֆոնները սկսում են նախազգուշացնել օգտատերերին և ձևավորում են նմանատիպ աղետների նախազգուշացման միասնական ցանց:

Առայժմ ծանուցումն աշխատելու է Կալիֆորնիայի օգտատերերի համար: Այդ նպատակով Google-ը պայմանավորվածություն է ձեռք բերել նահանգի իշխանությունների հետ. ընկերությունը ստանալու է 700 սեյսմոմետրերի տվյալները և ցնցումների մասին նախապես տեղեկացնելու է օգտատերերին:

Google-ում նաև լուծում են գտել այն տարածաշրջանների համար, որոնք ցնցումներն արձանագրող սարքավորումներով հագեցած չեն: Ընկերությունում առաջարկել են Android սմարթֆոններն օգտագործել որպես փոքր սեյսմոգրաֆներ, որոնք կձևավորեն դիտարկման միասնական ցանց:

Սարքավորումների աքսելերոմետրերը որսալու են ստորգետնյա ցնցումների ազդանշանները և համադրելու են դրանք տվյալ տարածքի մյուս սմարթֆոններից ստացված տվյալների հետ: Դեռևս այդ տեղեկատվությունն օգտագործելու են օգտատերերին նախազգուշացնելու նպատակով՝ «երկրաշարժ» և «երկրաշարժ իմ հարևանությամբ» բանալի բառերի որոնման միջոցով:

Վրիպա՞կ գտաք։ Նշեք հատվածը և սեղմեք Ctrl + Enter։