Ucom-ի կապն ընդհատվել է. սոցցանցերում ահազանգում են (upd.)
Ucom-ի բոլոր ծառայություններն այս պահին խափանված են։ Օգտատերերն ահազանգում են կրած վնասների մասին։ Նախարար Հակոբ Արշակյանը հայտնել է, որ խնդիրն այս պահին լուծվում է:
Մոտավորապես ժամը 19:20-ից սկսած Ucom կապի օպերատորի բջջային եւ ինտերնետ հաղորդակցությունը դադարեցվել է։ Սոցցանցերի օգտատերերը դժգոհում են ստեղծված իրավիճակից։
Ինչպես երեւում է՝ կապի խնդիրը համատարած է՝ այդ թվում՝ պետական (առողջապահական) հիմնարկներում։
Օգտատերերի մի մասը դժգոհում է առաջացած խնդրի պատճառով կրած վնասների համար։
Հաղորդվում է, որ Ucom -ի ցանցում տեխնիկական խնդիրների պատճառով խաթարվել է թվային ցանցով մարզային բոլոր, ինչպես նաև հանրապետական ու մայրաքաղաքային որոշ ալիքների հեռարձակումը:
Կան նաև կատակողներ.
Բարձր տեխնոլոգիական արդյունաբերության նախարար Հակոբ Արշակյանը հայտնել է, որ Ucom-ի հետ կապված տեխնիկական խնդիրն այս պահին լուծվում է։
UPD. Ucom ընկերությունը հայտարարություն է տարածել.
«Հոսանքի տատանման հետևանքով ֆիքսված և շարժական կապի հետ առաջացած խնդիրը կարգավորման ընթացքում է: Մեր տեխնիկական անձնակազմն անում է հնարավոր ամեն ինչ կապը հնարավորինս արագ վերականգնելու ուղղությամբ: Հայցում ենք բոլորիդ ներողամտությունը»,- նշված է հայտարարությունում:
Մեկնաբանությունները