11.11.2019, 21:38
11 րոպե
Խմբագրություն

Աշխարհի 10 ամենատարօրինակ հյուրանոցները

Շատերն այսօր փնտրում են հանգստի արտասովոր պայմաններ: Մարդիկ հոգնել են սովորական սենյակային հյուրանոցներից, իսկ աշխարհում կան առանձնահատուկ պայմաններ առաջարկող հանգստավայրեր: Ներկայացնում ենք աշխարհի 10 ամենաանսովոր հյուրանոցները:

Հյուրանոց The 727 Fuselage Home / ©sravni.ru

1. Բոինգ 727-ը Ջունգլիներում

Costa Verde հյուրանոցների ցանցն ապշեցուցիչ գաղափար է առաջարկում այցելուների համար: Նրա տերերը գնել են 40 տարվա, դուրսգրված Բոինգ 727 ինքնաթիռ, որը տարիներով կանգնած էր Սան Խոսեի օդանավակայանում: Ինքնաթիռը բաժանել են մասերի և տեղափոխել ջունգլիներ, որտեղ հավաքել են անմիջապես արևադարձային ծառերի վրա: Հյուրանոցն անվանել են The 727 Fuselage Home:

Պետք է հաշվի առնել, որ ինքնաթիռը Costa Verde-ի ամենաթանկ համարն է. այն 2 անգամ թանկ է սովորական համարներից, որոնք գտնվում են հարևան վիլլայում: Մեկ գիշերվա արժեքը մոտ 250 հազար դրամ է, գումարած 13% տեղական տուրքը: Հաղորդվում է, որ գինն ավելի մատչելի է դառնում սեպտեմբեր-նոյեմբեր ամիսներին:

Հյուրանոց Walled Off Hotel ©sravni.ru

2. Հայտնի նկարիչ Բենքսիի հյուրանոցը Վիֆլեհեմում

Բրիտանացի աշխարհահռչակ նկարիչ Բենքսին շարունակում է հիացնել. այս անգամ նա իր սեփական հյուրանոցն է բացել՝ Walled Off Hotel-ը («Պատով շրջապատված»): Այն գտնվում է պաղեստինյան Վիֆլեհեմ քաղաքում՝ Իսրայելի հետ սահմանի վրա: Հյուրանոցի բոլոր 10 պատուհանները նայում են իսրայելական բաժանարար արգելապատին: Մթնոլորը յուրահատուկ է: Հյուրանոցի ստեղծմանը Բենքսին անձամբ է մասնակցել:

Ներկայումս հնարավոր է այստեղ հանգստի համար գրանցումն իրականացնել մինչև 2020թ. մարտի 11-ը: Ամենամատչելի հարկաբաժիններում մեկ գիշերվա արժեքը մոտ 30 հազար դրամ է:

Trivial Pursuit հյուրանոց / ©sravni.ru

3. Մերձմոսկովյան հյուրանոց՝ վճարեք գիտելիքով

Աշխարհում առաջին հյուրանոցը, որտեղ հնարավոր է վճարել գիտելիքով, ոչ թե՝ փողով, Trivial Pursuit-ն է: Այն գտնվում է Մերձմոսկվայում: Այստեղ ամեն ինչի դիմաց կարելի է վճարել՝ հարցերին ճիշտ պատասխանելով: Չսխալվելու դեպքում հաճախորդը կունենա երկհարկանի քոթեջ՝ երեք ննջասենյակով, սաունայով, բուխարիով ու բարբիքյուի տարածքով:

Պետք է հաշվի առնել, որ լայնախոհ լինելու դեպքում կարելի է ունենալ արևադարձային խոհանոց՝ աղցանի փոխարեն, քնել արքայական անկողնում՝ ծալովի մահճակալի փոխարեն:

Icehotel հյուրանոց / ©sravni.ru

4. Սառցե հյուրանոց՝ բևեռային շրջանում

Արդեն 25 տարի բևեռային շրջանից 200 կմ դեպի հյուսիս գտնվող Յուքասյարվի քաղաքում գործում է Icehotel սառցե հյուրանոցը: Այստեղ կան ինչպես սովորական տաք համարներ, այնպես էլ սառուցից պատրաստված համարներ, որոնք ամեն ձմեռ նոր տեսք են ստանում: Սառույցն այստեղ բերվում է էկոլոգիապես մաքուր, սառցակալած Թուրնե-Էլվ գետից, որը երբեք արտադրական նպատակներով չի օգտագործվում:

Գարնանը սառույցը հալչում է, ուստի համարներն ամեն տարի տարբեր պատեր են ունենում, անօրինակ դիզայն, կահույք՝ աշխարհի 17 երկրներից ժամանող նկարիչների մասնակցությամբ: Որպեսզի հնարավոր լինի քնել սառցե մահճակալին, այցելուներին տրամադրվում են տաք հագուստ, գլխարկ և քնապարկ: Այստեղ ամենամատչելի սովորական համարն արժե մոտ 80000 դրամ, իսկ սառցե սենյակների համար՝ մոտ 160 հազար դրամ:

Skylodge Adventure Suites հյուրանոց / ©sravni.ru

5. Պատիճ-հյուրանոց՝ Պերուի անդունդի վրա

Նրանք, ովքեր չեն վախենում բարձրությունից և ունեն ֆիզիկական պատրաստվածություն, կհետաքրքրվեն Պերուի Skylodge Adventure Suites հյուրանոցով: Այն գտնվում է լեռան վրա՝ պատիճի մեջ: Այն գտնվում է անդունդի վրա, որտեղից գեղատեսիլ տեսարան է բացվում դեպի ինկերի Սուրբ հովիտ և Ուրուբամբա գետ: Պատիճները թափանցիկ են, գտնվում են 122 մետր բարձրության վրա:

Հյուրանոց հնարավոր է հասնել ալպինիստական պարագաներով ժայռը մագլցելով կամ Ziplines ճոպանուղով: Էքստրիմն ապահովված է: Մեկ գիշերվա արժեքը մոտավորապես 245 հազար դրամ է: Երեխաների և կենդանիների մուտքն արգելվում է:

Հյուրանոց՝ Tree Hotel / ©sravni.ru

6. Հայելային խորանարդ՝ Շվեդիայում

Tree Hotel հյուրանոցը գտնվում է Շվեդիայում: Նրա համարներն են՝ հայելային խորանարդ է, ՉԹՕ ափսե, թռչնաբույն և հսկայական ճպուռ՝ անտառում, ծառերի վրա: Ծառերից մեկի վրա սաունա կա՝ նախատեսված 8 անձի համար: Հայելային խորանարդի մակերեսին անտառի արտապատկերն է՝ հիասքանչ տեսք տալով համարին:

Որպեսզի թռչունները չհարվածեն պատերին, այն շրջապատված են ինֆրակարմիր ծածկույթով, որը տեսանելի է միայն փետրավորների համար: Մեկ գիշերվա արժեքն այստեղ մոտ 630 հազար դրամ է:

Ariau Amazon Towers հյուրանոց / ©sravni.ru

7. Բրազիլական անտառների ծառերի վրա

Ariau Amazon Towers-ը՝ Ամազոնիա անտառներում ծառերի վրա գտնվող հյուրանոցն իր տեսակի մեջ ամենամեծն է աշխարհում: 1987թ. դոկտոր Ֆրանսիսկո Ռիտտա Բերնարդինոյին անձամբ ոգեշնչել է Ժակ Իվ Կուստոն: Հյուրանոցն իսկական ուղևորություն է դեպի մոլորակի գաղտիքների ճանաչում ու էկոլոգիական կենսակերպ: Այնտեղ հանդիպում են հազվադեպ բույսեր ու կենդանինր: Բրազիլական այս հյուրանոցը համարվում է էկոտուրիզմի առաջամարտիկը:

Արժեքը բավականին բարձր է՝ մոտ 235 հազար դրամ: Ընդ որում՝ խորհուրդ չի տրվում ընտրել բարձրակարգ սպասարկման տարբերակը, քանի որ մարդիկ այստեղ գալիս են բնական միջավայրի, բնության հետ առանձնանալու, և ոչ թե սպասարկման համար:

Propeller Island հյուրանոց / ©sravni.ru

8. Խելահեղ հյուրանոց՝ Բեռլինում

Propeller Island հյուրանոցի բոլոր համարները խենթացնող են: 31 համարում անկողնու փոխարեն գերեզման է, 42 համարում՝ առյուծի վանդակներ, հայելային լաբիրինթոսի կենտրոնում տեղադրված մահճակալ և այլն:

Ներկայումս այստեղ ընթանում են վերանորոգման աշխատանքներ, ուստի այս պահին գինը հայտնի չէ:

Montana Magica Lodge հյուրանոց / ©sravni.ru

9. Հյուրանոց-հրաբուխ Չիլիում

Նելտումեում (Չիլի) գործում է հրաբխի տեսք ստացած հյուրանոց: Montana Magica Lodge հյուրանոցի մի կողմից քարե աստիճաններ են, մյուս կողմից՝ հրաբխի ժայթքումից առաջացող ջրի հոսք՝ լավայի փոխարեն: Վերոնշյալ Amazon Towers-ի նման՝ սա էլ էկոհյուրանոց է:

Յուրօրինակ հյուրանոցը գտնվում է պատագոնիական Ուիլո-Ուիլո արգելոցում: Այնտեղ կարելի է հասնել բացառապես կախովի կամուրջով: Այստեղ մեկ գիշերվա արժեքը նախաճաշը ներառյալ կազմում է մոտ 130 հազար դրամ:

10. Ստորջրյա հյուրանոց Ֆլորիդայում

Jule’s Undersea Lodge հյուրանոց / ©sravni.ru

Ստորջրյա հյուրանոցներ կան աշխարհի տարբեր վայրերում: Բայց Ֆլորիդայում գտնվող այս հյուրանոցն առանձնահատուկ է նրանով, որ մուտք գործել հնարավոր է միայն ակվալանգով: Jule’s Undersea Lodge-ն առաջին ստորջրյա հյուրանոցն է՝ կառուցված ԱՄՆ-ում: 1986թ. այն հանդիսացել է Պուերտո Ռիկոյի գիտահետազոտական լաբորատորիան: Հետագայում փակվել է, անցել է Ֆլորիդա նահանգին և դարձել հյուրանոց՝ դայվերների համար:

Այստեղ հայտնվելու համար պետք է սուզվել 7,5 մ: Ցանկացողները պետք է ներկայացնեն դայվերի վկայական կամ անցնեն 3-ժամյա վերապատրաստում: Գիշերակացն այս հյուրանոցում արժե մոտ 340 հազար դրամ:

Ամենաընթերցվածը

12.12.2019, 21:58
4 րոպե
Խմբագրություն

Պատմական իրադարձություն. Սենատորը հուզվեց, իսկ քվեարկությունից մեկ ժամ առաջ Քիմ Քարդաշյանը կոչով դիմել էր իր հետևորդներին՝ զանգելու սենատորներին և պահանջելու կողմ քվեարկել:

երեկ, 15:35
3 րոպե
Խմբագրություն

Կարմիր մոլորակի վրա հնարավոր կլինի վայրէջք կատարել Արկադիայի հարթավայրում, որտեղ ոչ մեծ խորության վրա առկա է ջրի սառույցի մեծ պաշար:

երեկ, 22:35
4 րոպե
Խմբագրություն

Քննադատներն ամիսներ առաջ անհնար էին համարում բյուջետային ավիաընկերությունների մուտքը Հայաստան, իսկ այժմ սպասվում է 2-րդի մուտքը: Դեկտեմբերի 16-ին կլինի պաշտոնական հայտարարությունը:

09.12.2019, 14:08
8 րոպե
Խմբագրություն

Մինչև 200 եվրո արժեքով և (կամ) 31 կգ անձնական օգտագործման պարագաների դեպքում սահմանված է 0 հարկ, իսկ գերազանցող մասը կհարկվի 15%-ով: Կվերացվի նաև հաճախականության սահմանափակումը. նախկին 1 ամսվա սահմանափակումը չի լինի:

10.12.2019, 01:15
8 րոպե
Խմբագրություն

Տուգանային միավորները կիրառվելու են սեփականատիրոջ կամ տվյալ մեքենայի շահագործման իրավունքն ունեցող վարորդի նկատմամբ: Առանց շահագործողի մեքենան չի հաշվառվի:

12.12.2019, 14:51
3 րոպե
Խմբագրություն

Մինչև 2022թ. հունվարի 1-ը բացառապես էլեկտրական շարժիչով ավտոմեքենայի, մոտոցիկլետի և հեծանիվի ներմուծումն ու օտարումն ազատված են ԱԱՀ-ից:

16.11.2019, 20:48
26 րոպե
Խմբագրություն

Շեշտ.am-ի դրոշն Արարատի գագաթին է. թե ինչպես այն հասավ ամենահայտնի և գեղեցիկ գագաթներից մեկը, և թե ինչու 5000 մետրից ավելի բարձրությունը հաղթահարելն այնքան էլ սարսափելի չէ:

09.12.2019, 14:08
8 րոպե
Խմբագրություն

Մինչև 200 եվրո արժեքով և (կամ) 31 կգ անձնական օգտագործման պարագաների դեպքում սահմանված է 0 հարկ, իսկ գերազանցող մասը կհարկվի 15%-ով: Կվերացվի նաև հաճախականության սահմանափակումը. նախկին 1 ամսվա սահմանափակումը չի լինի:

18.11.2019, 17:01
3 րոպե
Խմբագրություն

Ֆիլմը նկարահանվել է Հայաստանում՝ Արարատյան դաշտում և ուրարտական արքաների կառուցած քաղաքների տարածքում:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.